Os deputados populares recordan que “o Tribunal Supremo dixo alto e claro que o sectarismo e a actitude ditatorial á fronte do goberno da Deputación non teñen cabida na lei e bota por terra as decisións adoptadas por PSOE e BNG”
Lugo, 6 de febreiro de 2026. Os deputados do Grupo Provincial Popular solicitarán formalmente a celebración dun pleno extraordinario, tal e como se acordou nunha xuntanza cos traballadores afectados, para que a Deputación de Lugo dea cumprimento íntegro á sentenza ditada polo Tribunal Supremo, que declara nula a compra dunha acción da empresa pública Tragsa realizada pola Deputación de Lugo e todos os acordos posteriores vinculados a esa operación.
Así o anunciou o voceiro do Grupo Provincial Popular, Antonio Ameijide, que recordou “o valor desta sentenza histórica, non só para o Grupo Provincial Popular, senón tamén para todos os traballadores afectados, que vén como o Tribunal Supremo defende os seus dereitos laborais”.
Antonio Ameijide sinala que a sentenza é “clara e firme” polo que solicitaremos un pleno extraordinario porque o asunto ten tal entidade que así o require, sendo a proba máis evidente que se tivo que pronunciar o Tribunal Supremo dándolle interese casacional e sentando xurisprudencia para todas as Deputacións e Concellos de España, nunha actuación que o que fai é poñer límite ao abuso de poder e ao incumprimento dos principios máis básicos de democracia e de respecto aos representantes dos cidadáns.
Agora, Carmela López ten unha nova ocasión de demostrar que “non é José Tomé nin o seu goberno está controlado na sombra por el”, así como “no BNG teñen a oportunidade de demostrar que realmente se preocupan polos dereitos laborais dos traballadores ou, pola contra, só queren facer seguidismo ao PSOE e acatar e apoiar todas as decisións que lles impoñen os socialistas”.
O cumprimento da sentenza implica, ademais da nulidade da compra da devandita acción e os acordos posteriores, a subrogación dos 16 traballadores afectados na Deputación de Lugo, extremo que o Grupo Provincial Popular defende con firmeza.
“Estes profesionais, tal e como se expuxo na rolda de prensa, non poden ser as vítimas dunha mala praxe de PSOE e BNG, deben manter a súa estabilidade e condicións de emprego sen prexuízo algún polo que deben de ser reincorporados de inmediato á plantilla de traballadores da Deputación”, afirmou.
O Grupo Provincial Popular subliña que a defensa destes traballadores non é un mero argumento político, senón un compromiso firme coa protección dos seus dereitos, a seguridade xurídica e a dignidade laboral. “As administracións públicas teñen a obriga de protexer o emprego e aos traballadores, así como garantir que as sentenzas xudiciais, ademais de acatarse e cumprirse, non deixen ás persoas afectadas en situación de incerteza ou desamparo”, defendeu.
Dende o Grupo Provincial Popular reitérase a necesidade de convocar cun carácter urxente un pleno extraordinario que permita abordar estas cuestións de inmediato e así poder dar seguridade e estabilidade aos 16 traballadores afectados e ás súas familias.
Os deputados populares recordan que “o Tribunal Supremo dixo alto e claro que o sectarismo e que a actitude ditatorial á fronte do goberno da Deputación non teñen cabida na lei e bota por terra as decisións adoptadas por PSOE e BNG”.
RECLAMACIÓN ANTE O TRIBUNAL CONTENCIOSO-ADMINISTRATIVO
Coa compra desta acción de Tragsa o que fixeron PSOE e BNG foi saltar a Lei de Contratos e adxudicar de forma directa traballos de ámbito provincial á devandita empresa “sen pasar por un procedemento ordinario de contratación ou sen pasar pola pública concorrencia”, ao que engaden que se tratou “dunha decisión de calado que se adoptou de forma unilateral por parte do presidente da Deputación, sen consultar co pleno”.
Esta decisión unilateral de adquirir unha acción de Tragsa e a encomenda de xestión sen pasar polo pleno, son dous exemplos de como saltarse a lei, polo que desde o Grupo Provincial Popular acudiuse ao tribunal contencioso-administrativo de Lugo, que o 31 de marzo de 2022 “dándonos a razón, declarando nulos a adquisición e o encargo como medio propio a Tragsa”.
O goberno da Deputación, con recursos ilimitados, acudiu ao Tribunal Superior de Xustiza de Galicia, que admitiu a súa apelación, o que motivou que o Grupo Provincial Popular, co esforzo que supón por contar con moitos menos recursos, elevou o caso ao Tribunal Supremo.
“Para nós, o primeiro éxito foi conseguir que o Tribunal Supremo actuase, é dicir, que tivera interese casacional para determinar se a integración na organización provincial, como medio propio personificado, dunha sociedade de capital preexistente mediante a adquisición de parte do seu capital social constitúe unha manifestación da potestade de organización provincial, e, en caso afirmativo require un pronunciamento do Pleno da Deputación”, destacaron.
A sentenza do Tribunal Supremo “pon de manifesto a actitude ditatorial permanente do PSOE e do BNG, a prepotencia e a soberbia na que están instalados, o afán constante de saltarse a lei e vulnerar o ordenamento xurídico e saltar directamente a democracia ao vulnerar as competencias do pleno, obviar aos representantes dos cidadáns, consideran as administracións o seu cortijo particular onde pretenden facer e desfacer sen control e sen respecto á lei nin aos representantes dos cidadáns”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
