Foz, 13 de febreiro de 2026. Desde hoxe ata o 15 de febreiro tres pastelerías de Foz ofrecen doces afrodisíacos para celebrar San Valentín. Trátase de Anduriña, Los Dulces de Delphine e Xoyma.
A xa tradicional iniciativa forma parte da campaña de San Valentín do Centro Comercial Aberto de Foz, que sorteará 400 euros en vales de compra e unha escapada romántica. O presidente de Acia Foz-CCA, José Carlos Paleo, sinalou: “chega outro clásico que sempre sorprende polo Día dos Namorados. Son as propostas afrodisíacas que prepararon para a ocasión tres pastelerías de Foz co fin de darlle un toque orixinal e doce a esta cita. Durante tres días: hoxe, mañá e o domingo as persoas que o desexen poderán saborear os seus doces especiais”.
A campaña de San Valentín de Acia Foz-CCA deu comezo o pasado día 2 e seguirá ata o 18 de febreiro. Aquelas persoas que fagan as súas compras por importes superiores a 10 euros no comercio local entre esas datas poderán entrar no sorteo de 4 vales de compra de 100 euros cada un e dunha escapada romántica. Radio Foz acollerá o sorteo o vindeiro 19 de febreiro.
Acia Foz-CCA conta para esta campaña coa colaboración de Comercio Galego, Xunta de Galicia e Concello de Foz.
Acia Foz-CCA anima tamén a gozar do Entroido de Foz, que mañá vivirá o seu día grande co tradicional desfile. Os comercios da vila contan con cartelería especial e en moitos dos seus escaparates poden verse coloridos disfraces: “a implicación do pobo é total con esta celebración”.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
