Critica ao Goberno do PP a súa inacción á hora de dignificar o traballo das mulleres no ámbito do mar e de ampliar os seus dereitos e representación
Santiago de Compostela, 19 febreiro 2026. A portavoz nacional, Ana Pontón, defendeu desde A Guarda as propostas do BNG para dignificar o traballo das redeiras e mellorar as súas condicións laborais, logo do encontro que mantivo coa Asociación de Redeiras Atalaia, na que coñeceu de primeira man as principais demandas deste colectivo profesional.
Pontón apuntou en primeiro lugar á necesidade de facer fronte ao intrusismo profesional que sofren as redeiras e que as obriga a “competir con persoas que están facendo de maneira ilegal este traballo”, polo que propuxo incorporar un mecanismo de trazabilidade nas redes, unha medida que xa foi implantada con éxito noutros lugares como Euskadi e que, subliñou, permitiría garantir que “o traballo que hai detrás da reparación ou da montaxe das redes” está realizado “realmente por redeiras que están dadas de alta”.
A segunda cuestión que a líder nacionalista puxo sobre a mesa é a necesidade de mellorar as condicións de traballo deste colectivo profesional, para o que defendeu a dotación nos portos que contan con redeiras dunhas instalacións dignas para que poidan realizar o seu traballo.
“Instalacións dignas que permitan que teñan naves onde haxa guindastres, que non teñan que facer elas fisicamente o traballo de levantar as redes, e nas que tamén se garante unha mínima climatización para que non morran de frío no inverno ou non se cozan durante o verán”, afondou.
Tamén no ámbito das melloras das condicións laborais do colectivo, a portavoz nacional reivindicou a necesidade de avanzar no recoñecemento das doenzas profesionais vinculadas ao oficio.
“Sabemos que hai moitas enfermidades profesionais que non están recoñecidas e cremos que é importante ese recoñecemento porque é tamén unha forma de mellorar as condicións nas que traballan”, subliñou, para avanzar a continuación que o BNG vai seguir traballando para avanzar neste ámbito.
A líder nacionalista recordou que o das redeiras é un “traballado feminizado” que, pese á súa importancia e valor económico e cultural, permanece “invisibilizado” e no que é preciso traballar para acadar a súa dignificación, logo de advertir que moitas destas mulleres non chegan nin ao salario mínimo. “É unha situación que non podemos permitir e temos que traballar para dignificar todos os oficios nos que as mulleres son protagonistas”, recalcou.
Neste sentido, indicou que, no caso concreto do mar, hai unha tradición moi importante onde “as mulleres sempre xogaron un papel clave”, pero que moitos deses empregos que están feminizados “están nas marxes” e con “peores condicións laborais” e “peores salarios”.
“Lamentamos que a Xunta non estea facendo o papel que debería facer, non só coas redeiras, senón tamén con outros colectivos do mar”, criticou Pontón, quen reclamou un papel activo do Goberno do PP para dignificar o traballo das mulleres no mar e ampliar os seus dereitos e representación e fomentar, así como fomentar o asociacionismo.
“Cremos que hai que dignificar todos os traballos que fan as mulleres no ámbito do mar porque é unha parte da nosa economía, da nosa tradición e, desde logo, da maneira de ser dos galegos e das galegas”, concluíu.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
