As actuacións financiáronse con fondos propios e con convenios e achegas xestionados por Marta Rouco con outras administracións
Vilalba, 19 de febreiro de 2026. A alcaldesa de Vilalba, Marta Rouco, xestionou e impulsou durante o ano 2025 obras e investimentos cun orzamento conxunto superior aos 3,5 millóns de euros.
As obras foron no casco urbano e nas parroquias de Vilalba para mellorar os servizos e infraestruturas públicas que utiliza a diario a veciñanza. A maior parte das actuacións xa están rematadas e outras en execución.
Unha parte das obras realizadas financiáronse con fondos propios do concello, pero outras moitas aprobáronse grazas aos convenios e achegas xestionadas pola alcaldesa, Marta Rouco, con outras administracións, principalmente a Deputación de Lugo e o goberno do Estado.
“É moi necesario xestionar acordos con outras administracións, porque nun concello como Vilalba temos un orzamento limitado e condicionado por partidas como a da Axuda no Fogar”, lembra Marta Rouco, que lamenta “que Vilalba non exista para a Xunta desde o ano 2019”.
“Todos os proxectos e actuacións dan resposta a unha programación previa que realizamos no concello para mellorar os servizos públicos, fixar poboación e facer de Vilalba un bo lugar para vivir, traballar e conciliar”, engade a alcaldesa.
Entre as obras financiadas no ano 2025 con fondos propios, están a pista multiocio do Campo da Feira; os novos Farois LED da praza Constitución; o alumeado da rúa Basanta Silva; a nova área de autocaravanas; a renovación Rúa Benxamín Paz; a rexeneración da Estrada entre O Castro e Gondaísque; a reforma do primeiro andar da Biblioteca Municipal; a renovación da rúa Bispo Varela; da avenida de Cospeito entre as rúas Foz e Abadín; as rexeneracións da Travesía de Foz e da rúa do Rego; o vial do barrio de Paraños (Lanzós); os accesos ás vivendas en Sancovade, e o vial en Coto, Mourence.
Froito de acordos con outras administracións, aprobáronse a rehabilitación da Casa do Concello; as melloras no CEIP Mato Vizoso; a rexeneración da LU-P-6513; a renovación da estrada de Vilate a Ribado; o sistema en sombra da Avda. Terra Chá; os máis de 15 quilómetros de pistas renovadas nas parroquias; a mellora do alumeado no polígono; a reforma da cuberta da Casa da Cultura; o novo PAI; o parque infantil Rosalía de Castro; os accesos ao barrio de Fontiñas, e a renovación do firme nas rúas Castiñeiro, Acivro e Salgueiro.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
