A alcaldesa, Marta Rouco, denuncia que, un mes despois de solicitar unha reunión urxente coa Dirección Xeral de Mobilidade, a Xunta segue sen dar ningunha resposta nin solución
Vilalba, 20 de febreiro de 2026. O Concello de Vilalba denuncia, unha vez máis, o que considera un patrón sistemático de desinterese por parte da Xunta de Galicia cara a un municipio e uns veciños que levan anos agardando respostas que non chegan.
A alcaldesa, Marta Rouco, lembra que hai xa un mes solicitou unha reunión urxente coa directora xeral de Mobilidade para abordar solucións inmediatas, unha petición que non foi atendida nin obtivo resposta algunha.
Rouco explicou que “o silencio da Xunta é inaceptable ante unha situación que afecta directamente á mobilidade e ao servizo público que reciben centos de veciños e veciñas cada semana”. A rexedora subliñou que a falta de comunicación institucional “non é un simple atraso administrativo, senón unha mostra máis do escaso interese da Xunta por resolver un problema que leva máis de dous anos enquistado”.
Segundo lembrou a alcaldesa, a estación de autobuses continúa “sen baños operativos, sen un espazo digno de espera, sen información actualizada para os usuarios e cun deterioro evidente na súa contorna e nas propias instalacións”.
Marta Rouco destacou que “Vilalba non pide privilexios, pide o mesmo trato que reciben outros municipios galegos. Non hai ningunha xustificación para que a capital da Terra Chá, un punto estratéxico de conexións por estrada, teña unha estación nestas condicións”.
Desde o Concello consideran necesaria unha actuación urxente que inclúa, cando menos, a recuperación dos servizos básicos e unha planificación clara sobre o futuro da estación. Así mesmo, reiteran o seu chamamento á Xunta de Galicia para que responda con urxencia e abra unha vía de diálogo real que permita avanzar cara a solucións efectivas para esta infraestrutura.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
