Dende o PP de Vilalba apelan ao respecto institucional e á convivencia pacífica como piares dunha sociedade na que cómpre respectar a liberdade e a defensa da legalidade
Vilalba, 21 de febreiro de 2026. O PP de Vilalba manifesta a súa máis rotunda e enérxica condena ante o novo acto vandálico perpetrado contra o busto de Manuel Fraga, situado no noso municipio.
Desde o PP de Vilalba denuncian que non se trata dun feito illado, senón dunha reiteración inaceptable de ataques que evidencian unha actitude intolerante e profundamente antidemocrática. “Estamos ante condutas que non poden nin deben ter cabida nunha sociedade plural e respectuosa. A impunidade fronte a estes actos só alimenta a súa repetición”.
“Atentar contra un busto ou contra calquera símbolo público non é un simple dano material: é un ataque directo á convivencia, á pluralidade política e á historia compartida de todos os vilalbeses. Quen promove, xustifica ou minimiza estas accións está a cruzar unha liña vermella”, advirten.
Dende o PP de Vilalba tamén fan referencia ao intento de retirar o busto de Fraga do Senado: “O ataque no noso concello é consecuencia da campaña contra a figura de Manuel Fraga que a esquerda, liderada polo BNG, retomou onte no Senado coa petición de retirada da súa imaxe na Cámara Alta”.
Cómpre lembrar que hai tres anos a Mesa do Senado xa aprobou que o seu busto permanecese nas súas instalacións en recoñecemento a Fraga como un dos pais da Constitución. “Trátase dun acordo institucional adoptado democraticamente, que merece respecto e lealdade institucional”, afirman.
Por iso, desde o PP de Vilalba consideran “absolutamente incomprensible e irresponsable” que certos partidos estean a promover ou amparar iniciativas destinadas a boicotear a permanencia do busto de Fraga no Senado. “Non todo vale en política. Cuestionar acordos institucionais por sectarismo é unha mostra de falta de sentido de Estado e de respecto ás institucións e aos acordos que nelas se adoptan”.
Ademais, desde o PP de Vilalba agardan que o resto das formacións políticas condenen de maneira clara, expresa e sen ambigüidades este novo ataque vandálico. “O silencio ante un acto vandálico desta gravidade non é neutralidade: é complicidade. Quen non condena, ampara”.
Desde o PP de Vilalba subliñan que a discrepancia política é lexítima en democracia, pero recalcan que “nunca pode traducirse en vandalismo, ataques ao patrimonio público nin campañas de confrontación. A intolerancia e o sectarismo non poden marcar a axenda do noso municipio”.
Finalmente, esixen que se depuren responsabilidades e que se adopten as medidas necesarias para garantir a protección do patrimonio público. “Reafirmamos o noso compromiso inequívoco coa defensa da legalidade, da liberdade e do respecto institucional, valores que deben prevalecer con firmeza fronte a calquera intento de división ou imposición ideolóxica”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
