Ribadeo, 1 de marzo, 2026. A AC Francisco Lanza organiza unha viaxe a Ferrol para visitar a cidade, o Museo Exponav e o Castelo de San Felipe, cunha parada gastronómica incluída en Mugardos. O prezo é de 65 € para persoas socias e 75 € para non socias. O número máximo de prazas é de 38 viaxeiros/as, polo que se recomenda inscribirse canto antes.
Itinerario previsto (horarios aproximados):
VIAXE A FERROL · SÁBADO 21 DE MARZO
• 8:00 · Saída da estación de autobuses de Ribadeo.
• 10:00 · Chegada a Ferrol. Parada na Igrexa das Angustias, ao final da Avda. de Esteiro.
• 10:00–11:00 · Café e paseo pola zona leste do barrio da Madalena.
• 11:00–13:30 · Visita guiada ao Museo Exponav (construción naval).
• 13:30 · Saída cara a Mugardos.
• 14:00–16:00 · Xantar. O prato principal será polbo á mugardesa, aínda que o menú completo está pendente de confirmación.
• 16:00 · Regreso a Ferrol.
• 17:00–18:00 · Visita ao Castelo de San Felipe.
• 18:00 · Volta a Ferrol.
• 18:30 · Visita guiada pola zona oeste do barrio da Madalena.
• 20:00 · Saída cara a Ribadeo.
• 22:00 · Chegada aproximada.
Inscricións:
📧 agrupaciónfranciscolanza@gmail.com
📞 699 809 606
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.