Burela, 2 de marzo de 2026. O Pleno extraordinario do Concello de Burela aprobou inicialmente os Orzamentos Municipais para o exercicio 2026, que ascenden a 9.037.303,25 euros, consolidando a estabilidade financeira da entidade e mantendo o equilibrio entre ingresos e gastos.
O Concello de Burela non conta con débeda financeira, o que reforza a solvencia e sustentabilidade do orzamento aprobado.
O documento incorpora unha dotación de 300.000 euros no capítulo de persoal para facer realidade a nova Relación de Postos de Traballo, unha actualización organizativa necesaria tras case dúas décadas sen revisión estrutural. O obxectivo é ordenar a estrutura municipal, adaptar as retribucións á valoración técnica dos postos e mellorar a eficiencia administrativa.
En canto á distribución do gasto por áreas, o 42,17% destínase a Servizos Públicos Básicos —como limpeza viaria, recollida de residuos, iluminación pública e mantemento de vías— e o 18,76% a Protección e Promoción Social. Ademais, o 15,80% concéntrase en educación, cultura e deportes, o 8,21% en actuacións de carácter económico e o 15,07% en administración e xestión municipal.
No capítulo de investimentos inclúense actuacións na Praza do Concello, Praza de Abastos, Avenida Arcadio Pardiñas, Casa da Xuventude e a achega municipal de 132.890,88 euros á construción da nova EDAR, infraestrutura estratéxica para o futuro ambiental de Burela.
O goberno destacou que se trata dun orzamento “equilibrado, responsable e centrado na prestación de servizos públicos, na protección social e na modernización da organización municipal”, subliñando que “cada euro está ao servizo de Burela”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
