Ribadeo, 3 de marzo de 2026. A Xunta de Galicia concédelle ao Concello de Ribadeo unha subvención de 200.000 euros destinada á renovación da cuberta da Praza de Abastos.
O alcalde, Dani Vega, explicou que “a Xunta vennos de informar dunha nova subvención, neste caso 200.000 euros para renovar a cuberta da Praza de Abastos. Todos somos conscientes de como se atopa. Evidentemente, nosoutros tivemos que facer un diagnóstico de situación da Praza de Abastos para ir investindo e mellorando toda a infraestrutura, todo o edificio”.
O rexedor declarou: “qué fixemos ata o de agora? A mellora do chan, tamén arranxamos os baños, novos enreixados para os locais, nova iluminación, rampla para persoas con mobilidade reducida, novas portas, tanto as de peche, que son de forxa, e tamén as portas eléctricas. Así como o novo stand, que está permanentemente na Praza de Abastos, para as actividades de Gastopraza”.
Vega dixo: “é dicir está moi ben mellorar o edificio, pero tamén hai que enchelo de contido e de actividades para dinamizar e así apoiar aos praceiros. Neste caso, esta subvención é fundamental, é importante. Cando fixemos o diagnóstico, xa sabíamos que había que investir e mellorar toda a cuberta. Non valía facer ningún parche para tapar algunha goteira. A cuberta está moi deteriorada, non se fixo ningún tipo de conservación e, en consecuencia, as cousas cando non se conservan, cando non hai un mantemento despois pasa o que pasa, é dicir hai que gastar ou investir moito máis. Neste caso, nosoutros tiñámolo moi claro, tamén os praceiros, que nos dixeron por activa e por pasiva que era importantísimo investir na Praza de Abastos, unha praza que ten moita vida, unha praza que debe ser referente na comarca e na provincia”.
Para Dani Vega “esta subvención foi un acerto pedila. Felicito, evidentemente, aos técnicos municipais, tanto a Carlos que redactou o proxecto, e a Silvia que solicitou a subvención, totalmente un traballo conxunto con Marta Saiz, que é a concelleira que ten nas súas responsabilidades a Praza de Abastos e, desde logo todos a unha cos praceiros para solucionar problemas. Neste caso unha gran achega da Xunta de Galicia, 200.000 euros, para investir e así mellorar a gran Praza de Abastos que temos en Ribadeo”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
