Francisco Conde sostén que “o sector necesita unha PAC máis sinxela, áxil e accesible, reducindo burocracia e ofrecendo regras claras que permitan ao agricultor e ao gandeiro traballar con seguridade xurídica e onde se prime o equilibrio de rendibilidade e sustentabilidade”
Lugo, 1 de abril de 2026. O PP da provincia de Lugo esixe ao Goberno de Sánchez defender ante o Consello da UE “un financiamento adecuado para a Política Agraria Común (PAC) despois do 2027” e “a redución da burocracia” para os agricultores e gandeiros que, na actualidade, supoñen “un lastre para a competitividade do sector”.
Os deputados nacionais Francisco Conde, Jaime De Olano e Cristina Abades, e a deputada autonómica Raquel Arias lembraron durante unha visita a unha explotación gandeira en Sober que “desde o Partido Popular non estamos de acordo coa proposta da UE e, como sempre fixemos, “alzamos a voz en defensa dos gandeiros e agricultores que perciben este importante fondo, esencial nunha provincia como Lugo onde o sector primario é a base económica de moitas familias”.
Así, no Congreso os populares conseguiron aprobar unha iniciativa para reforzar a importancia da PAC, que constitúe un instrumento esencial para garantir a soberanía alimentaria europea, a seguridade de abastecemento e a cohesión territorial. O PSOE non foi quen de apoiar a iniciativa, xa que sigue a manter a súa equidistancia coas normas aprobadas pola Unión Europea e “prefire poñerse de perfil” ante un asunto tan relevante para o sector agrogandeiro do noso país.
Concretamente, os populares demandan ao Goberno de Sánchez defender os intereses dos agricultores e gandeiros españois no próximo Marco Financeiro Plurianual 2028-34 da Unión Europea; opoñerse ao recorte inasumible do 22% na Política Agraria Común; manifestar o firme rexeitamento á creación dun fondo único que dilúa a PAC entre outras políticas comunitarias e que poría en perigo os fondos de desenvolvemento rural; e tamén esixir que a PAC se manteña con presuposto propio, estable e suficiente.
“O sector necesita unha PAC máis sinxela, áxil e accesible, reducindo burocracia e ofrecendo regras claras que permitan ao agricultor e ao gandeiro traballar con seguridade xurídica e onde se prime o equilibrio de rendibilidade e sustentabilidade”, segundo manifesta Francisco Conde.
O deputado lucense tamén apunta que “o Goberno central é o único que pode negociar coa Comisión Europea e, incluso, utilizar o dereito de veto en aquelas decisións que se teñen que adoptar por unanimidade”.
Por outra banda, o Grupo Popular tamén lograba recentemente aprobar no Parlamento de Galicia unha iniciativa para “reclamar ao Goberno de Sánchez un plan extraordinario máis ambicioso que o contemplado de apoio ao sector primario ante a escalada de custos que afecta directamente á rendibilidade das explotacións”, segundo apuntou Raquel Arias.
A proposta dos populares inclúe bonificacións fiscais (a baixada do IVE da enerxía ao 10%, a supresión do imposto de xeración eléctrica ou a redución do IVE da carne, peixe, conservas e produtos lácteos), apoio específico ante o encarecemento dos fertilizantes que supera o 25% e liñas de financiamento preferente con avais públicos para garantir liquidez ás explotacións.
Os populares cren que “necesitamos unha reacción inmediata por parte do Goberno para defender os intereses de España e de Galicia, de forma que se garanta a nosa seguridade alimentaria e se fortaleza o sector rural no noso país”.
MEDIDAS DE APOIO AO SECTOR AGROGANDEIRO
Os representantes do PP lucense tamén puxeron en valor as medidas de apoio aprobadas polo Goberno galego ante a escalada dos custes de produción.
A Xunta de Galicia aprobaba este luns un paquete de medidas de 157M€ para atender aos sectores con maiores dificultades polas consecuencias do conflito bélico en Oriente Medio e ás familias máis vulnerables que se suma aos 120M€ que achega Galicia ao deixar de recadar coas rebaixas fiscais aprobadas polo Goberno de Sánchez.
Concretamente, o Goberno galego dirixe 19,4M€ ao sector agrario para a modernización das explotacións mediante a incorporación de tecnoloxías de agricultura de precisión, maquinaria e produtos orientado á mellora da eficiencia e da redución da dependencia de insumos externos. Máis da metade do investimento está previsto destinalo á promoción agroalimentaria a través do impulso de iniciativas orientadas ao fortalecemento das cadeas curtas de comercialización, á valorización do produtos local, á trazabilidade e á diferenciación nos mercados.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectouse o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
Non deben prematricularse quen continúe co mesmo instrumento nin quen opte a talleres, Música e Movemento, Pandeireta ou Instrumentos Tradicionais, que se inscribirán en setembro. As solicitudes presentaranse no rexistro do Concello ou na sede electrónica, sen garantir praza. O alumnado xa matriculado mantén a súa praza se formaliza a matrícula entre o 1 e o 9 de setembro. A Escola contactará na primeira semana de setembro para confirmar dispoñibilidade segundo o Regulamento interno.
