O espectáculo, protagonizado por Camila Bossa e Luis Iglesia, chegará á Casa da Cultura o venres 10 de abril ás 21:00 horas
Burela, 10 de abril de 2026. A Casa da Cultura de Burela acollerá o vindeiro venres 10 de abril ás 21:00 horas, a representación da obra teatral “Testosterona”, unha proposta escénica que mestura comedia e reflexión arredor dun tema de plena actualidade como é a desigualdade laboral por cuestión de sexo.
A obra de Sabina Berman, dirixida por Xoque Carbajal, parte dunha situación sinxela pero cargada de significado. O director dun importante medio de comunicación debe decidir quen ocupará o seu posto entre dúas persoas candidatas, un home e unha muller. A partir deste punto, o espectáculo afonda en cuestións como a capacidade profesional, a experiencia, o talento ou os prexuízos, poñendo o foco nas dificultades ás que se enfrontan as mulleres á hora de acceder a postos de responsabilidade.
“Testosterona” propón unha mirada crítica á sociedade actual, cuestionando os modelos de poder tradicionalmente establecidos e as expectativas que recaen sobre homes e mulleres no ámbito laboral. Faino, ademais, cun ton accesible e cheo de humor, o que permite que o público se achegue a esta realidade dende unha perspectiva entretida, pero tamén reflexiva.
O espectáculo está pensado para un amplo abano de público e destaca tamén pola súa posta en escena e polo traballo interpretativo dos seus protagonistas.
No escenario estarán dous rostros moi coñecidos do panorama audiovisual galego: Camila Bossa e Luis Iglesia. Bossa, actriz cunha ampla traxectoria en televisión, cine e teatro, acadou gran popularidade pola súa participación en series como Mareas Vivas ou Matalobos, ademais de contar con diversos recoñecementos como varios Premios Mestre Mateo. Pola súa banda, Luis Iglesia, tamén cunha sólida carreira interpretativa, é recoñecido polo público polos seus papeis en series como Matalobos, onde deu vida a Carmelo Matalobos, así como por numerosos traballos en teatro, cine e dobraxe.
A función en Burela está dirixida a público maior de 14 anos e terá un prezo de entrada de 5 euros. As entradas poderán adquirirse na billeteira da Casa da Cultura dende unha hora antes do comezo do espectáculo.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
