Ribadeo, 20 de abril de 2026. Ribadeo e Lalín instalarán pantallas xigantes na praia das Catedrais e no Altar do Sol para seguir a eclipse do vindeiro 12 de agosto, que será comentada por José Ángel Docobo, director do Observatorio Astronómico Ramón María Aller.
Foi o profesor Docobo o que a definiu como “a eclipse das nosas vidas” e comentou tamén que “o 28 de agosto haberá unha eclipse de lúa”. Parécelle unha moi boa idea a observación conxunta que están a organizar os Concellos de Lalín e de Ribadeo: “as nubes son caprichosas entón tendo a oportunidade de observar a eclipse desde dous sitios temos o dobre de posibilidades de poder velo. En Ribadeo se rexistrará a máxima duración en Galicia, que será de 1 minuto e 45 segundos e en Lalín será visible desde a parte leste e norte do municipio, pero hai un lugar emblemático onde será a observación, que aínda que dure 20 segundos na totalidade consideramos que merece a pena, que é o Altar do Sol”.
O alcalde de Lalín, José Crespo, contou que “imos poñer dúas pantallas xigantes en Ribadeo e en Lalín e o profesor Docobo estará a narrar todos os aspectos científicos, falará do que pasará antes, durante e despois do eclipse. Tamén é o día das perseidas entón faremos algo de festa despois da eclipse, aínda estamos traballando niso, e despois das doce da noite será a quenda para as perseidas. O 12 de agosto vai ser unha xornada maratoniana”.
O alcalde de Ribadeo, Dani Vega, explicou que “estes dous monumentos naturais laicos quixemos aproveitalos e contar co profesor Docobo, xa que os seus antepasados eran da Devesa, e alí nesa parroquia e en concreto na praia das Catedrais é onde faremos esta actividade conxunta. Somos dous municipios que sabemos aproveitar os recursos e a eclipse había que aproveitala para vivir ese momento conxunto. E haberá unha retransmisión especial desde a TVG, que xa está traballando niso”.
Ambos rexedores fixeron unha chamada “a todas as administracións, que tomen nota para colaborar con nós e que isto sexa posible. Precisamos financiamento para utilizar o satélite e ter unha conexión de calidade”.
Lalín preparará aparcadoiros para acoller a toda a xente que se achegará ao Altar do Sol a ver a eclipse do 12 de agosto. E Ribadeo xa anuncia un dispositivo especial de tráfico na contorna do emblemático areal para ese día.
Ambos rexedores confían en que este sexa o primeiro paso para seguir facendo cousas xuntos no futuro, entre Lalín e Ribadeo.
O Observatorio Ramón María Aller acolleu a presentación deste mediodía na que tamén participaron as concelleiras de Turismo de Ribadeo e de Lalín, Marta Saiz e Begoña Blanco.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
