Ribadeo, 22 de abril de 2026. Ribadeo segue investindo nas estradas en varias parroquias do municipio.
O alcalde, Dani Vega, explicou que “seguimos investindo nas estradas de competencia municipal, a través do Plan Único da Deputación, 373.000 euros de inversión para actuar en varias parroquias. Estamos actuando na Devesa, tamén en Vilaframil, en Piñeira, en Ove, en Couxela, en cada unha delas estamos investindo e mellorando as vías de comunicación”.
O rexedor dixo: “xa non soamente no novo aglomerado que se está incorporando, senón tamén en moitas delas canalizando e recollendo as augas, que é fundamental. Por exemplo, estamos actuando na Devesa, recollendo todas as augas que os veciños levaban reclamando moitísimo tempo e aquilo estaba realmente abandonado e causándolle problemas a todos os veciños. E polo tanto a actuación é moi importante, estamos tamén a recoller as augas en Ove, concretamente no barrio de Santa Cruz e así paulatinamente iremos mellorando”.
Vega declarou: “nestes momentos o Plan Único actual son 373.000 euros de mellora que quixemos actuar naquelas parroquias onde había un deterioro nas estradas. Evidentemente, en todas as parroquias hai problemas, as estradas debemos seguir mellorándoas, non nos podemos conformar, todo contrario, seguir xestionando orzamento, pero creo que se da un paso bastante importante. Xa estamos preparando para licitar o seguinte Plan Único da Deputación para volver a investir máis, neste caso incrementamos un pouco a partida presupostaria e así seguiremos mellorando as nosas vías de comunicación, que son fundamentais, porque debemos investir nas parroquias, seguir investindo no noso rural”.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
