Cervo, 5 de maio do 2026. O Concello de Cervo vén de formalizar un novo convenio de colaboración co Club Deportivo San Ciprián, ao que destina unha achega nominativa de 19.000 euros con cargo ao orzamento municipal deste exercicio. Esta partida específica reflicte o firme compromiso do goberno local co deporte base e co apoio ás entidades que contribúen de maneira decisiva á dinamización social e á promoción de hábitos de vida saudables no municipio.
Máis alá da contía económica, desde o Concello quérese salientar especialmente que a relación co Club Deportivo San Ciprián vai moito máis aló deste convenio puntual, xa que se trata dunha colaboracin constante, fluída e baseada na comunicación permanente. Ambas entidades manteñen un contacto directo e continuo ao longo de todo o ano, o que permite coordinar actividades, e dar resposta de forma áxil ás demandas que xorden no día a día.
Esta sintonía tradúcese nun traballo conxunto que favorece a organización de eventos deportivos, o mantemento das instalacións, o impulso das distintas seccións do club e a participación activa da veciñanza con obxectivo comúns centrados na promoción do deporte para todas as idades.
O convenio foi asinado esta mañá na Casa do Concello pola alcaldesa, Dolores García Caramés, e o presidente do club, Eduardo Rubal, nun acto no que se puxo en valor esta relación de cooperación continua.
A alcaldesa destacou que “o Club Deportivo San Ciprián é un exemplo do que significa traballar con constancia e compromiso polo deporte local, e para nós é fundamental manter esta colaboración estreita, diaria e baseada na confianza mutua”. Así mesmo, engadiu que “non falamos só dunha axuda económica, senón dunha relación viva, de acompañamento permanente, que nos permite avanzar xuntos e ir mellorando cada ano”.
García Caramés incidiu tamén en que “este contacto continuo facilita que o Concello coñeza de primeira man as necesidades reais do club e poida actuar con rapidez, apoiando tanto a organización de actividades como o crecemento das distintas disciplinas”.
O Club Deportivo San Ciprián destaca polo seu traballo incansable e pola súa capacidade para aglutinar múltiples disciplinas deportivas, entre as que se atopan o fútbol, o tenis de mesa, o piragüismo, o atletismo, o voleibol, baloncesto infantil ou pádel, ofrecendo alternativas para persoas de todas as idades e contribuíndo a fortalecer o espírito deportivo do municipio.
Desde o Concello de Cervo reiteran o seu compromiso de continuar fortalecendo esta relación de colaboración estable, convencidos de que o traballo coordinado coas entidades deportivas é clave para seguir facendo de Cervo un referente no ámbito do deporte e da participación cidadá.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
