Xove, 8 de maio, 2026. O Concello de Xove, da man da Asociación de Festexos Montevelle, acollerá o vindeiro sábado 16 de maio unha nova edición da Festa das Fillas de María, coñecida popularmente como Festa das Flores, unha celebración xa consolidada no calendario festivo local que encherá de vida, tradición e cor a zona vella da vila, nas inmediacións da igrexa parroquial.
A programación arrancará ás 10:30 horas coa apertura dos postos do mercado tradicional na rúa Nosa Señora do Carme, onde tamén haberá demostracións de oficios artesanais. Durante a mañá, a Asociación Cultural Saiñas e a charanga NBA animarán as rúas con pasarrúas, creando un ambiente festivo e participativo. Ás 13:00 horas celebrarase a misa con ofrenda floral á Virxe, un dos actos centrais da xornada, seguida dunha sesión vermú a cargo do grupo D‑Kris.
Pola tarde, a festa continuará con actividades pensadas para a cativada, como inchables, un obradoiro de cerámica e o contacontos teatralizado “Divers@s”, de Bátega Teatro. Xa pola noite, a verbena correrá a cargo do grupo D‑Kris e da Disco Móbil Conxuro, e como peche celebrarase unha queimada popular.
Un dos sinais de identidade desta festa é a súa coidada decoración floral, que cada ano engalana espazos como a rúa da Igrexa e a rúa Doutor José Baamonde Illade, converténdose nun atractivo visual para veciñanza e visitantes.
Nesta edición, a celebración incorpora tamén un elemento especial vinculado ao Día das Letras Galegas, dedicado este ano a Begoña Caamaño. A decoración incluirá frases da autora, integrando literatura e tradición nun mesmo espazo festivo.
O Concello e a Asociación de Festexos Montevelle convidan tamén aos establecementos locais a sumarse á festa incorporando elementos florais nos seus locais, ofrecendo produtos relacionados coa temática e animando á clientela a vestir de branco con complementos azuis, a indumentaria tradicional desta celebración.
Desde a organización anímase a toda a veciñanza a participar e gozar dunha xornada única que combina cultura, tradición, música e identidade local.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
