Ribadeo, 20 de maio de 2026. Este mércores foi presentado o cartel do XI Ribadeo Indiano, que terá lugar do 10 ao 12 de xullo.
A organización ultima os detalles da celebración. A programación completa será dada a coñecer dentro duns días.
Na presentación do cartel do Ribadeo Indiano 2026 participaron o alcalde, Dani Vega, as concelleiras e concelleiros Marta Saiz, Begoña Sanjurjo, Francisco José Silvent e Diego Dos Santos, a presidenta de Acisa, Carmen Cruzado, e o xerente do colectivo empresarial, Jesús Pérez.
Concello e Acisa sinalan que “cando chega maio en Ribadeo xa se empeza a respirar o ambiente indiano. Comeza a conta atrás para unha data que atraerá a milleiros de persoas á nosa vila e ás da contorna”. E engaden: “estamos cos últimos detalles para deixar pechado o programa, que presentaremos dentro duns días”.
Mercado de Ultramar
Hoxe foron publicadas as bases de participación no Mercado de Ultramar que se celebrará o 11 de xullo. Esta cita constitúe un dos espazos máis singulares e atractivos do Ribadeo Indiano. Está concibido como un lugar de encontro, ambientación e divulgación histórica que transporta ás persoas visitantes á época de finais do século XIX e principios do XX.
Poderán participar persoas físicas ou xurídicas que desenvolvan actividades relacionadas coa cultura indiana ou coa ambientación propia daqueles tempos. O prazo límite de presentación de solicitudes será o 14 de xuño.
Con carácter orientativo poderán formar parte do Mercado de Ultramar produtos da horta, con especial presenza daqueles chegados das Américas, como patacas, pementos, tomates, millo, etc; produtos latinos de alimentación; café, cacao, chocolates, salazóns, herbas aromáticas ou especias; doces e pasteis típicos da época; xoguetes tradicionais ou de inspiración histórica; roupa, complementos, tocados, camafeos e outros elementos de indumentaria indiana; libros, revistas e artigos de papelería relacionados coa temática indiana ou coa emigración; antigüidades e obxectos de decoración; flores e plantas tropicais; oficios tradicionais: barquilleiros/as, zapateiros/as, zoqueiros/as, entre outros; servizos de realización de peiteados e colocación de tocados; e outras actividades ou produtos relacionados coa temática ultramarina, indiana ou coa ambientación histórica do mercado.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
