Ribadeo, 29 de maio de 2026. Os días 30 e 31 de maio terá lugar o III Torneo Internacional de Fútbol Base Cadete, que organiza a SD Ribadeo.
Na cita competirán 24 equipos procedentes de Castela-León, Cantabria, Asturias e Galicia así coma un equipo chegado de Portugal e outro de Inglaterra. En total serán 430 xogadores, dos que moitos veñen acompañados polas súas familias.
Segundo explican os organizadores “o torneo disputarase o sábado na modalidade de eliminatorio de fase de grupos e o domingo serán os enfrontamentos directos de oitavos, cuartos, semifinais e final”. O torneo xogarase nos campos.
O alcalde, Dani Vega, dixo que “un ano máis desde o Concello colaboramos coa SD Ribadeo na organización dos torneos de fútbol base que se van disputar ao longo das vindeiras catro fins de semana. Estamos encantados de facelo por todo o que supoñen tanto desde o ámbito deportivo como para os negocios de Ribadeo na antesala do verán así como desde o punto de vista turístico, porque quen visita o noso concello a través do deporte despois acaba facéndoo a título persoal e iso é algo que nos alegra”.
A presidenta de Acisa, Carmen Cruzado, declarou: “para Ribadeo estas fins de semana van ser moi importantes polo que supoñerán para a dinamización económica do noso municipio: para a hostalería, para os hoteis, pero tamén para o comercio. Estamos a finais de maio, a piques de iniciar a tempada alta, e creo que vai a ser un mes moi potente grazas á celebración destes torneos da SD Ribadeo. Agardamos que sexan un éxito, ao igual que o foron en edicións anteriores”.
Desde a SD Ribadeo declararon: “desde a directiva agradecemos todas as axudas que por parte da Xunta, Concello, Deputación, Acisa, institucións públicas e privadas, e particulares nos achegan para levar a cabo a organización deste evento; e moi especialmente a colaboración das familias que forman a SD Ribadeo, para que os cativos poidan disfrutar ao máximo destas xornadas de convivencia e de festa do fútbol”.
Na presentación do III Torneo Internacional de Fútbol Base da SD Ribadeo participaron o alcalde, Dani Vega, o técnico municipal de Deportes, Iván López, a secretaria da SD Ribadeo, Mª José Tella, o coordenador de Fútbol 8 da SD Ribadeo, Aitor García, o deputado provincial Dani García, o concelleiro Marcos Villamil, así como a presidenta e o xerente de Acisa, Carmen Cruzado e Jesús Pérez.
Organiza a SD Ribadeo, coorganiza a Secretaría Xeral para o Deporte e colaboran Concello de Ribadeo, Vegadeo FC, Acisa, Deputación de Lugo, Gadis e Eroski.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
