A Mariña, 2 de xuño, 2026. A Mancomunidade de Concellos da Mariña Lucense, xunto a SEGITTUR, presentou este martes en Barreiros o Plan de Impulso para a Creación e Consolidación de Experiencias Agroturísticas, desenvolvido no marco do programa MISEA da Secretaría de Estado de Turismo. A Mariña é o único destino galego seleccionado para esta iniciativa estatal, na que tamén participan a Deputación de Cáceres, Fuerteventura, Deltebre e Valencia, todos eles pertencentes á Rede de Destinos Turísticos Intelixentes. O plan baséase no traballo realizado durante meses con produtores, empresas do sector primario e axentes locais, mediante obradoiros, sesións participativas e procesos de mentoría orientados a crear e mellorar experiencias agroturísticas innovadoras que diversifiquen a oferta turística, atraian visitantes durante todo o ano e contribúan á desestacionalización.
O acto contou coa participación da presidenta da Mancomunidade, Rocío López; da alcaldesa de Barreiros e vicepresidenta da Mancomunidade, Ana Ermida; da directora de proxecto en SEGITTUR, Olga Pérez; e do consultor turístico de GLOBALDIT, Kevin Salvador. Ana Ermida destacou a importancia de que Barreiros acollera a presentación dun plan que reforza a aposta da comarca por un turismo sostible e vinculado ao territorio, subliñando o papel dos concellos na dinamización do rural e na creación de oportunidades para o sector primario.
Na súa intervención, Rocío López agradeceu a confianza depositada por SEGITTUR e pola Secretaría de Estado de Turismo, sinalando que formar parte deste proxecto supón “unha satisfacción e tamén unha responsabilidade”, ao recoñecerse na Mariña o potencial para avanzar nun modelo turístico sostible, auténtico e ligado á identidade do territorio. López puxo en valor o traballo conxunto cos axentes locais e co sector primario, subliñando que o plan permitirá transformar o valor das explotacións agrogandeiras, pesqueiras e agrícolas en experiencias turísticas que conecten visitantes co territorio e xeren novas oportunidades económicas e sociais, especialmente no rural. Tamén insistiu na importancia da cooperación institucional para impulsar iniciativas estratéxicas que definan o futuro do turismo na comarca.
O deputado de Recursos Sostibles da Deputación de Lugo, Francisco Cajoto Caserío, felicitou á Mancomunidade polo traballo realizado e lembrou que a Mariña é a única comarca galega integrada neste proxecto nacional. Destacou o esforzo investido en obradoiros e xornadas para deseñar propostas agroturísticas capaces de atraer novos visitantes e fortalecer o turismo fóra da tempada alta.
O plan presentado aposta por aproveitar as fortalezas do territorio —a combinación de litoral e interior rural, a riqueza paisaxística e patrimonial, a tradición pesqueira e agrogandeira e unha gastronomía de prestixio— para profesionalizar aos produtores como promotores turísticos, mellorar instalacións e servizos, impulsar o emprendemento rural e avanzar na dixitalización e promoción das experiencias. A Mancomunidade conta coa colaboración de entidades como o GDR Terras de Miranda, o GALP A Mariña-Ortegal, o Colectivo de Gastronomía da Mariña, así como da Deputación de Lugo e da Xunta de Galicia.
En paralelo, continúa aberto o prazo de inscrición no curso Emprender no sector turístico na Mariña Lucense, que se celebrará do 6 ao 9 de xullo en Barreiros en colaboración coa Universidade da Coruña, e permanece aberta ata o 12 de xuño a convocatoria para a adhesión de novos servizos turísticos ao SICTED da Mariña, ampliada este ano para incorporar experiencias agroturísticas no marco do proxecto MISEA. Ao acto asistiron tamén representantes da Xunta, concellos da comarca, servizos turísticos e produtores locais.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
