Segundo explica Castiñeira, este millón cen mil euros será sufragado polos veciños a través das subidas das taxas da auga aprobada hai dous anos polo PSOE e o BNG
Foz, 9 de xuño de 2026. O Partido Popular de Foz amosa a súa preocupación polo proxecto de orzamentos municipais presentado polo equipo de goberno, ao contemplar o gasto de 1,1 millóns de euros procedentes do canon da auga durante os primeiros meses de vixencia do novo contrato do ciclo integral da auga, unha contía que estaba prevista para un período de quince anos.
O portavoz popular, Javier Castiñeira, considera que esta decisión supón unha grave irresponsabilidade económica e unha mostra máis da deficiente xestión do executivo local.
“O goberno de Foz vai gastar un millón cen mil euros do canon da auga nos próximos seis meses. Algo que figuraba no contrato do ciclo da auga, pero hai que recordar que este contrato ten unha vixencia de quince anos. O que non podemos entender é que o equipo de goberno pretenda liquidar agora mesmo esa cantidade en apenas seis meses2, sinala.
Segundo explica Castiñeira, este millón cen mil euros será sufragado polos veciños a través das subidas das taxas da auga aprobada hai dous anos polo PSOE e o BNG. “Isto parécenos verdadeiramente infame. Non se pode inflar un orzamento co canon da auga e gastar todo ese diñeiro nos primeiros meses dun contrato que ten que dar servizo durante quince anos”. Critica.
O portavoz popular denuncia ademais que estes fondos non se destinarán a investimentos nin a melloras relacionadas co ciclo da auga. “O peor de todo é que non se van empregar para investimentos, senón para gasto corrente. Estamos utilizando uns recursos extraordinarios para financiar gastos ordinarios do Concello”, advirte.
Neste sentido, destaca que o capítulo de investimentos previsto nos orzamentos apenas alcanza os 246.000 euros, arredor do 1,7% do total das contas municipais. “Estamos a gastar un millón cen mil euros que deberían estar ligados a investimentos e obras, preferentemente vinculadas ao ciclo da auga, e non a sufragar gasto corrente”, indica.
Para Castiñeira, esta política económica compromete seriamente o futuro das arcas municipais. “O que se pregunta o Partido Popular é que vai pasar en 2027 cando xa non teñamos ese millón cen mil euros, pero a maquinaria do Concello estea acostumada a gastar como se seguise dispoñendo deles. Estamos hipotecando o futuro por un interese exclusivamente electoralista”, afirma.
O PP tamén critica a falta de participación na elaboración das contas municipais. “Son uns orzamentos nos que non participou nin o Partido Popular nin a cidadanía, a pesar de que precisamente PSOE e BNG defendían a participación no seu momento”, lembra.
Os populares consideran ademais que as contas consolidan os efectos da subidas de impostos e taxas aprobadas polo actual goberno. Entre elas, destacan o incremento da contribución, que supón máis de 360.000 euros adicionais de recadación, dos que arredor de 170.000 euros corresponden aos veciños das parroquias.
Por todo iso, o Partido Popular anuncia que non apoiará os orzamentos municipais. “Estamos ante un auténtico despropósito que vén confirmar a malísima xestión económica e administrativa deste equipo de goberno. A próxima corporación municipal terá que asumir as consecuencias dunha política baseada no gasto inmediato e non na planificación responsable”, conclúe Javier Castiñeira.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
