Viveiro, 11 de xuño de 2026. Preto de 40 establecementos participarán esta fin de semana nunha das campañas máis esperadas polos clientes da comarca: o Shopping Weekend, tamén coñecido como a campaña do 20%.
A Asociación de Comerciantes do Centro Histórico de Viveiro organiza unha nova edición desta iniciativa estrela, pensada para dinamizar o comercio local e incentivar as compras durante dous días. No 2024, o CCHV foi finalista nos Premios Comercio Dinamización grazas a esta proposta orixinal, que se prepara con só 24 horas de antelación, xerando un efecto sorpresa tanto nos clientes como nos propios comerciantes.
Nesta edición, 39 establecementos adheridos ofrecerán descontos especiais nunha ampla selección de artigos, convertendo o centro histórico nun punto de referencia para as compras e o ocio durante a fin de semana.
A chegada da temporada estival fai desta campaña unha oportunidade perfecta para adquirir produtos de verán con prezos moi vantaxosos. Moda, calzado, complementos, deportes, mercería e lencería, fogar, ópticas, xoierías, mobles e decoración, agasallos, telefonía, salóns de peiteado e moitos outros sectores comerciais súmanse á iniciativa.
Os comercios participantes estarán claramente identificados coa imaxe corporativa da campaña: banderolas fucsia de dous metros nas entradas e vinilos co 20% nos escaparates, facilitando unha localización rápida e visual dos establecementos adheridos.
Os descontos aplicaranse exclusivamente durante o Shopping Weekend e non serán acumulables a outras promocións, ofertas especiais, encargos ou devolucións.
A organización agarda repetir o éxito de edicións anteriores, atraendo centos de compradores ao centro da cidade e impulsando tamén a actividade da hostalaría, das terrazas e dos negocios da contorna.
Desde a Asociación de Comerciantes do Centro Histórico de Viveiro animan á cidadanía e aos visitantes a achegarse esta fin de semana para desfrutar dunha xornada de compras, aproveitar as promocións e gozar do ambiente comercial, gastronómico e de lecer do centro histórico.
A iniciativa enmárcase dentro das accións de dinamización dos Centros Comerciais Abertos da Xunta de Galicia.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
