Ribadeo, 13 de xuño, 2026. UCIN Galicia denunciou este venres o que considera un “abuso institucional e administrativo” por parte do Goberno municipal de Ribadeo, despois de recibir un requirimento de emenda relativo á solicitude para instalar unha carpa informativa na rúa Rodríguez Murias.
Segundo o escrito remitido polo Concello, a formación debería achegar documentación como os estatutos do partido, o CIF, os acordos de nomeamento do presidente nacional e do coordinador autonómico, a identificación dos responsables políticos e diversa documentación técnica sobre a carpa.
Desde UCIN aseguran que estas esixencias superan amplamente os requisitos habituais para autorizar unha ocupación temporal da vía pública con fins informativos.
O coordinador de UCIN Galicia, José Luis Calo, expresou a súa indignación e cualificou a actuación municipal de “desproporcionada e impropia dunha administración que debería actuar con neutralidade”.
Segundo afirma, a instalación dunha mesa ou carpa informativa é unha práctica común en concellos de toda España e considera “sorprendente” que se solicite documentación interna da organización para unha autorización deste tipo.
Calo sostén que pedir estatutos, nomeamentos internos ou documentación persoal de responsables políticos para colocar unha carpa “resulta totalmente desproporcionado” e dá a sensación de que se pretende “dificultar a actividade de UCIN en Ribadeo”.
Críticas directas ao alcalde
O responsable autonómico acusou tamén ao alcalde de Ribadeo de empregar os recursos municipais para crear obstáculos administrativos.
“A prioridade do alcalde debería ser resolver os problemas reais dos veciños, non levantar barreiras burocráticas contra quen exerce unha labor de oposición e control democrático”, afirmou.
UCIN lembra que os partidos políticos teñen recoñecido constitucionalmente o dereito a participar na vida pública e a trasladar as súas propostas á cidadanía, polo que consideran que as administracións deben facilitar o exercicio destes dereitos dentro da legalidade.
A formación asegura que cumprirá cos trámites que correspondan, aínda que analizará o expediente para comprobar se o requirimento municipal respecta os principios de proporcionalidade, igualdade de trato e boa administración.
“Non nos van intimidar”
José Luis Calo advertiu de que UCIN non renunciará á súa presenza pública nin á súa actividade política na Mariña.
“Seguiremos nas rúas, escoitando aos veciños e defendendo os seus intereses. Ningunha presión burocrática vai impedir que UCIN continúe traballando por unha política máis transparente e próxima á cidadanía”, concluíu.
A formación reclama ao Goberno municipal de Ribadeo “respecto á pluralidade política e ás regras democráticas” e pide que todas as organizacións reciban o mesmo trato por parte da Administración local.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
