Ribadeo, 21 de xullo de 2026. Ribadeo aprobará en pleno a ordenanza municipal de estacionamento e acampada de vehículos camperizados e autocaravanas e o contrato de servizos enerxéticos para a xestión do alumeado exterior de edificios.
O alcalde, Dani Vega, dixo que “hoxe imos debater na comisión informativa varios asuntos dos que despois daremos traslado ao pleno municipal. Son dúas ordenanzas. A primeira delas é a ordenanza municipal de estacionamento e acampada de vehículos camperizados e autocaravanas. O que queremos é regular, o que queremos é controlar que non se estea acampando ou aparcando en calquera espazo do noso concello”.
O rexedor explicou que “vamos aprobar unha ordenanza, por certo o primeiro Concello que aproba unha ordenanza para regular esta situación, que é un problema non só en Ribadeo senón en moitos municipios de Galicia, e por iso queremos dar este paso importante regulando e controlando os espazos. Non podemos seguir permitindo que se acampe ou aparque en espazos naturais, de rede natura, nin na zona portuaria, nin en moitos puntos da nosa vila ou parroquias”.
Vega subliñou que “a ordenanza nace cunha clara vocación de regular e de controlar e ter unha ordenanza que nos permita a nosoutros controlar ou sancionar. Ata o de agora non se podía. Por exemplo, unha autocaravana ou vehículo camperizado que estivera aparcado na zona costeira, tiñamos que enviar a multa a Costas e Costas sancionaba ao titular. Iso perdíase no tempo, ou na zona portuaria, onde pasaba o mesmo. Nosoutros o que imos facer agora é aprobar inicialmente esta ordenanza e a partir de aí controlar, a partir de aí enviar unha mensaxe clara, non se pode aparcar nin acampar en calquera sitio, senón nos espazos nos que se permita”.
Para o alcalde ribadense “é unha ordenanza coa que Ribadeo volve a liderar un turismo ordenado, un turismo de calidade e este tema vaise debater hoxe na comisión informativa. Ao igual que o contrato de servizos enerxéticos para a xestión do alumeado exterior de edificios. É bastante claro e evidente que temos que dar un paso cuantitativo na mellora da nosa iluminación no concello. Tamén en todos os cadros eléctricos, non só na vila senón nas parroquias, e ter unha boa xestión do contrato dos servizos enerxéticos. Outros Concellos xa o están a facer, outros Concellos teñen resultados moi positivos, e nosoutros temos que seguir na modernización do noso concello. Polo tanto, un novo contrato, que tamén é aprobación inicial, para mellorar toda a iluminación da vila, das parroquias, do conxunto do noso concello. Son temas importantes os que seguimos traendo ao pleno para seguir avanzando e mellorando Ribadeo”.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
