Augas de Galicia seguirá apoiando os concellos na ampliación e renovación das redes de abastecemento de auga porque é un servizo básico que debe prestarse con garantías de calidade, continuidade e seguridade en todo o territorio
Friol, 21 de xullo de 2026. A Xunta de Galicia mobiliza investimentos por case 19 millóns de euros a través da planificación, impulso e execución de aquí a 2029 dun paquete de actuacións hidráulicas destinadas a ampliar o servizo público de abastecemento, renovar redes e conducións deterioradas ou moi antigas, reducir avarías e posibles fugas e reforzar a seguridade dos sistemas.
Segundo explicou hoxe en Friol a conselleira de Medio Ambiente e Cambio Climático, Ángeles Vázquez, as actuacións previstas beneficiarán a un total de 23 concellos e a unha poboación estimada de 410.000 habitantes. Máis polo miúdo, a conselleira sinalou que máis da metade dese orzamento (10,1 millóns de euros) son para financiar proxectos na provincia de Lugo. En concreto, actuarase nos municipios lucenses de Friol, Pantón, Vilamarín, Ribadeo, Trabada e Sober. Os demais concellos nos que se acometerán actuacións son A Estrada, Arbo, Cangas, Castrelo de Miño, Esgos, Gomesende, Leiro, Moaña, Mos, O Porriño, Redondela, Salceda de Caselas, Soutomaior, Valdoviño, Vigo, Vilaboa e Vilarmaior.
De feito, esta mañá a conselleira asinou co alcalde de Friol, José Ángel Santos, o convenio de colaboración para dotar de abastecemento de auga potable á parroquia de San Paio de Seixón. En concreto, tal e como dixo Ángeles Vázquez, destinaranse máis de 620.000 euros, que financiará nun 80% a Xunta mentres que o 20% restante aportarao o Concello, a unha actuación que beneficiará a máis de 70 vivendas, a diversas explotacións gandeiras, así como a varios negocios hostaleiros e de turismo.
As obras consistirán na construción dun novo depósito na Abelaira de 105 metros cúbicos e da canalización de captación. Tal e como dixo Ángeles Vázquez, esta actuación, que será cofinanciada a través do Fondo Europeo de Desenvolvemento Rexional (Feder) garantirá que a auga que se consuma reúna as condicións necesarias de calidade e seguridade e, ao mesmo tempo, contribuirá a reforzar a resiliencia do sistema municipal fronte a períodos de seca.
Durante a súa intervención, a conselleira puxo en valor que “a colaboración é clave para seguir prestando os mellores servizos públicos á cidadanía” e sinalou que o apoio de Augas de Galicia aos concellos é proba desa cooperación entre administracións.
Apoio a un servizo municipal básico
No caso do abastecemento de auga, é un servizo municipal básico que debe prestarse con garantías de calidade, continuidade e seguridade en todo o territorio. Esta necesidade resulta máis complexa en Galicia, que supera os 30.000 núcleos de poboación (máis da metade dos que hai en toda España), e con zonas rurais que aínda non dispoñen de rede pública ou teñen unha moi antiga, o que fai necesario seguir investindo na ampliación e renovación dos sistemas, mediante o apoio de Augas de Galicia aos concellos competentes.
Nesa liña, sinalou que a maioría das actuacións que está a financiar o Goberno galego teñen por obxectivo solucionar problemas como a falta de abastecemento público, as avarías en tubaxes antigas, as perdas de auga, as presións inadecuadas e a vulnerabilidade dalgúns sistemas ante incrementos estacionais da poboación ou en períodos de escaseza.
Trátase de intervencións -algunhas xa remadas e outras en marcha ou en diferentes fases de tramitación- que se enmarcan dentro da estratexia de Augas de Galicia para promover a modernización das infraestruturas que garanten un abastecemento seguro, eficiente e de calidade. Así, estas obras aseguran a continuidade do subministro, minimizan os riscos para a saúde —mediante a mellora da calidade da auga— e reforzan a resiliencia e a capacidade de regulación dos sistemas fronte ás novas demandas.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
