O delegado territorial de Lugo, Alfonso Villares, destaca que os obradoiros duais permiten promover obras e servizos nos concellos, ao tempo que fomentan o emprego a nivel local
Viveiro , 4 de setembro de 2026. A Consellería de Emprego, Comercio e Emigración inviste 454.500 euros no obradoiro dual de emprego Viveiro mantén, que ata marzo do vindeiro ano traballará na mellora de diferentes espazos públicos do municipio e na creación do parque canino da Xunqueira. A actividade está promovida polo Concello e financiada pola Xunta.
O delegado territorial de Lugo, Alfonso Villares, comprobou as actuacións en marcha acompañado da alcaldesa de Viveiro, Mariña Gueimunde. O taller ofrece 20 prazas repartidas en dúas especialidades, unha delas relacionada coa xardinería e a outra coa pintura industrial en construción.
As actuacións centraranse no mantemento e acondicionamento dos xardíns Noriega Varela e Lavandeiras (Celeiro), a zona verde e deportiva de Lodeiro e a contorna da praza de Lugo. En canto aos traballos de pintura, aplicaranse en exteriores das escolas de Faro, Magazos, San Pedro e Xunqueira; e en espazos interiores das escolas de Calvoso e Vieiro.
Villares destacou que estes programas permiten realizar obras e servizos en beneficio dos municipios que os acollen, ao tempo que melloran os perfís profesionais das persoas desempregadas.
Así, durante nove meses o alumnado realiza un traballo remunerado e recibe formación teórica e práctica en sectores con boa saída laboral.
O lobo, os cabalos e as persoas comparten desde hai séculos un mesmo territorio, unha convivencia que forma parte da realidade do rural e que presenta importantes retos. No marco da programación das San Lucas 2026, o Concello organiza este encontro para reflexionar e dialogar sobre esta situación, escoitar diferentes perspectivas e abordar os desafíos que implica compartir espazo co lobo. A cita terá lugar este mércores 21 de outubro, ás 18:30 horas, no Auditorio Pascual Veiga. Trátase dun tema de grande relevancia para o presente e o futuro do rural.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
