A alcaldesa e o concelleiro do Mar participaron este martes nunha saída a bordo do Virxe do Rocío para coñecer de primeira man unha experiencia que estará ao alcance do público a partir do próximo verán
Burela, 9 de setembro de 2026. A alcaldesa de Burela, Carmela López, e o concelleiro do Mar, Ramiro Fernández, participaron este martes nunha saída a bordo do pesqueiro Virxe do Rocío para coñecer de primeira man o traballo diario da pesca artesanal e a experiencia de turismo mariñeiro que se prevé poñer ao alcance do público a partir do próximo verán.
Miguel Ángel, patrón da embarcación, e o mariñeiro John iniciaron a xornada ás cinco da mañá botando a volantilla. Posteriormente, López e Fernández incorporáronse á tripulación para participar na recollida da arte e coñecer sobre o terreo o desenvolvemento dunha xornada de pesca.
Segundo explicaron, o obxectivo principal da saída eran merluzas e salmonetes, capturas que finalmente chegaron a bordo xunto con outras especies, entre elas dous exemplares de sanmartiño.
“Foi unha oportunidade para coñecer Burela desde outro lugar, desde o mar e da man de quen o traballa cada día. O mar forma parte da nosa historia e da nosa vida, pero poder compartir unhas horas coa tripulación permítenos achegarnos ao oficio dunha maneira completamente diferente”, sinalou Carmela López.
A experiencia enmárcase nun proxecto apoiado polo GALP A Mariña-Ortegal que permitirá que, a partir do próximo verán, outras persoas poidan embarcarse e coñecer de primeira man unha xornada de pesca artesanal, achegándose ao traballo das tripulacións, ás artes de pesca e á relación de Burela co mar.
Pola súa banda, Ramiro Fernández destacou que “é unha maneira magnífica de poñer en valor todo o que hai detrás do peixe que chega cada día ao noso porto. Non falamos só do produto, senón do oficio, do coñecemento do mar, das artes de pesca e do traballo das persoas que manteñen viva unha parte fundamental da identidade de Burela”.
O concelleiro do Mar incidiu tamén nas posibilidades que abre esta proposta: “Temos un enorme potencial para unir pesca, cultura mariñeira e turismo. Poder vivir unha experiencia real a bordo permite coñecer Burela dunha maneira diferente e, ao mesmo tempo, contribuír a divulgar e valorar o noso sector pesqueiro”.
López e Fernández agradeceron a Miguel Ángel a iniciativa de impulsar e presentar este proxecto, así como a acollida recibida durante a xornada. “Grazas a Miguel Ángel e a John pola paciencia, por todo o que nos ensinaron e por facernos sentir parte da tripulación durante unhas horas”, sinalaron.
Desde o Concello de Burela valórase esta iniciativa como unha oportunidade para divulgar a cultura mariñeira, apoiar e visibilizar o sector pesqueiro e ofrecer unha experiencia turística directamente vinculada á identidade e á historia da vila.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
