NOTA DE PRENSA:
O GOBERNO MUNICIPAL DE CERVO VALORA A POSIBILIDADE DE RENUNCIAR A UN 70… DO 1.300.000 EUROS QUE ASTUNOSA DEBE AO CONCELLO DE CERVO.
O goberno municipal solicitou asesoría xurídica a Deputación para valorar a oferta de Astunosa para facer efectivos a tres anos vista o 33.33… do 1.272.509,42 euros que a promotora debe ao concello.
Con esta medida evidenciase a falla de seguridade xurídica do Convenio de Infraestruturas e Servizos asinado entre o concello e 4 promotoras que o BNG denunciou en reiteradas ocasións.
Mediante escrito dirixido a asesoría xurídica da Deputación de Lugo asinado polo alcalde, solicitase informe xurídico en relación a proposta da Inmobiliaria Astunosa Servicios Inmobiliarios, actualmente en proceso concursal e cunha débeda co concello de Cervo por importe de 1.270.000 euros derivado do Convenio de Infraestruturas e Servizos asinado en decembro de 2006 con catro promotoras inmobilarias, entre as que se atopa a referida Astunosa. Esta empresa tiña licenza municipal para construír en San Cibrao 572 vivendas, das que so están en execución 2 fases e neste momento as obras están paralizadas por razóns obvias.
O BNG SEMPRE CRITICOU O CONVENIO POLA SUA INSEGURIDADE XURIDICA, AGORA OS FEITOS DANNOS A RAZON.
A solicitude do goberno municipal de asesoramento xurídico en relación a oferta da promotora para aceptar o pago do 33,33… do montante total da débeda, supón a evidencia de que tal convenio, que non contaba con avais bancarios que aseguraran o cobro dos pagares nas datas previstas, era papel mollado sen seguridade xurídica algunha no caso de incumprimento da promotora dos seus compromisos
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
