Nota de prensa
O PROFESORADO DO IES ILLA DE SARÓN DE XOVE REIVINDICA UN ENSINO PÚBLICO DE
CALIDADE
NUNHA COMUNICACIÓN ENVIADA A NAIS E PAIS EXPLICAN OS MOTIVOS DAS SÚAS
PROTESTAS
O Claustro de profesoras e profesores do IES Illa de Sarón de Xove decidiu
na reunión ordinaria celebrada o pasado xoves, enviar ás nais e pais do seu
alumnado unha comunicación na que explican os motivos do seu desacordo coas
últimas medidas adoptadas pola Consellería de Educación. Segundo o
profesorado deste instituto as razóns que os levan a optar por medidas de
protesta son:
A) Os recortes que se fan no ensino público ao tempo que se aumentan as
subvencións á privada
A Xunta pretende recortar de aquí a fin de ano 8,7 millóns de euros no
ensino público pero ao mesmo tempo crea novas unidades na privada ou aproba
unha asignación extraordinaria de 220.000 euros para centros concertados.
B) A redución dos cadros de persoal docente.
No presente curso reducíronse en Galiza máis de 1000 postos de traballo no
ensino público
Contar con menos profesorado dificulta a realización de apoios, a
organización de desdobres,…. e implica peor atención educativa porque,
nalgún caso, hai profesoras e profesores que se ven obrigados a impartir
tres ou catro materias das que non son especialistas.
C) O incremento do horario lectivo e a imposición de funcións que non lle
son propias ao profesorado.
Neste curso, o profesorado ten ata catro períodos máis de docencia. A
xornada laboral segue sendo de 37 horas e media semanais, pero impóñennos
como norma 20 horas de docencia o que nos obriga a adicarlle menos tempo a
outro tipo de actividades como dinamizacións da biblioteca, recursos TIC,
convivencia escolar, mellora da calidade educativa e dinamización de
programas internacionais ,… o que, ao noso entender, vai en detrimento da
calidade do ensino.
Cando se fala de que traballamos vinte horas á semana non se ten en conta o
tempo adicado á preparación de clases, á programación de actividades
individualizadas para alumnado con problemas, ás entrevistas con nais e
pais, á organización e participación en actividades extraescolares, etc.
Por outro lado, impónselle ao profesorado a realización de funcións que
non lle son propias, como a custodia do alumnado desde a chegada ou ata a
saída do transporte escolar .
D) Non se trata de medidas para mellorar a atención ao alumnado.
Aínda que os alumnos e alumnas reciben as mesmas horas de docencia que
tiñan o ano pasado, ao ter menos profesorado e cos horarios máis
saturados, non se beneficiarán de reforzos, apoios, proxectos innovadores,
…, e en moitos casos, como medida de protesta, deixaranse de organizar
actividades extraescolares.
Diante desta situación, o claustro de profesoras e profesores do IES Illa
de Sarón, aínda compartindo a maioría das razóns que levan ao profesorado
doutros centros a tomar esta medida de forza, decidiu, polo de agora, seguir
organizando actividades extraescolares e complementarias, porque entenden
que a súa eliminación pode supor un deterioro educativo e pedagóxico que
se materializa na discriminación do alumnado do ensino público fronte ao
da privada.
Por último o profesorado quere deixar ben clara a súa postura e indican
que:
“As nosas protestas e reivindicacións foron, son e serán POLA DEFENSA DUN
ENSINO PÚBLICO DE CALIDADE e das condicións nas que os seus fillos-as
reciben a súa formación; por iso é importante que nos unamos todas e todos
para defender o ensino público e rexeitar todos aqueles recortes que impidan
un verdadeiro ensino de calidade.”
Claustro de profesores e profesoras do IES Illa de Sarón. Xove
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
