Nota de prensa:
ÁREZ BARCIA PREDÍULLE AO PRESIDENTE DA DEPUTACIÓN QUE ARRANXE DE MANEIRA URXENTE AS VÍAS PROVINCIAIS AO PASO POLAS PARROQUIAS DO INTERIOR, QUE SE AMPLÍE A PONTE DE OVE E QUE A MAQUINARIA DA INSTITUCIÓN SEXA ENVIADA A RIBADEO PARA EFECTUAR TAREFAS DE REBACHEO.
Ribadeo, 3 de febreiro de 2012. O alcalde de Ribadeo, Fernando Suárez, pedíulle ao presidente da Deputación que proceda a arranxar de maneira urxente as súas vías provinciais ao paso polas parroquias do interior, que se amplíe a ponte de Ove e que a maquinaria provincial sexa enviada a Ribadeo para efectuar tarefas de rebacheo. De todos estes asuntos falaron Suárez Barcia e Gómez Besteiro no encontro que mantiveron hai uns días no Concello.
O rexedor explicou que “nesta xuntanza mantida co presidente da Deputación, co señor Besteiro, que a enmarco dentro dun ámbito cordial e positivo aquí, no Concello de Ribadeo, trasladámoslle, aparte do compromiso que lle quixemos arrancar co tema da residencia de maiores, varios temas de importancia para o concello”. Suárez Barcia contou que “un deles, ao que nos temos referido varias veces nos últimos tempos, é a necesidade imperiosa de que por parte da Deputación se proceda a amañar de maneira urxente as súas vías provinciais ao paso sobre todo polas parroquias o interior, singularmente de Covelas, de Cedofeita ou mesmo de Arante ou de Vilaousende, que están nunha situación estructuralmente mala e onde temos moitas queixas de veciños, incluso do propio autobús do transporte escolar porque o día menos pensado pode haber un accidente polo estado de degradación destes viais”.
O alcalde ribadense indicou que “tamén nunha circunstancia parecida nun vial provincial é a nosa petición reiterada, que xa lle fixemos hai dous anos e que daquela mostrou o seu compromiso aínda que a día de hoxe aínda non é posible velo feito, que non é outro que a ampliación da ponte de Ove, que está na estrada provincial por enriba da vía do tren, por onde pasa moitísima xente, sobre todo moitos nenos que van entrenar ao campo de fútbol que ten habilitado o Concello de Ribadeo do outro lado da vía, xa na parroquia de Ove. É importante a ampliación desta ponte para permitir o paso peonil de persoas sin que sexan molestados polos vehículos, sobre todo moitas veces cando é de noite, cando vai mal tempo, o paso por esa ponte faise francamente perigoso”.
Fernando Suárez engadiu que “xa un último aspecto que lle reclamamos, e esperemos que o vexamos feito dentro de pouco tempo, é que nos pase outra vez a maquinaria de obras da Deputación para poder seguir facendo actuacións de rebacheo en camiños, sobre todo das parroquias, que co paso do tempo de maneira inevitable, se van degradando”.
Para o alcalde de Ribadeo “o presidente da Deputación viu razonables todas estas peticións e comentounos a falta de disponibilidade económica que a Deputación tamén ten, como as demáis administracións. Pero en todo caso comprometeuse, e espero que sexa así, a que nos próximos tempos iría dando cumprida proba do seu compromiso tamén con Ribadeo”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
