Inconfundible sabor a mar
Marzo e abril son os meses principais nos que nas nosas costas ten lugar a captura do ourizo mariño, un produto que, de recibir escasa atención gastronómica, pasou a significar unha exquisitez moi valorada por aqueles que entenden da boa cociña.
Cervenses, turistas e visitantes, estamos citados en San Ciprián, este sábado, na súa Festa do Ourizo, convidados a probar este produto, procedente das augas da Mariña, agora que está en todo o seu esplendor e preparado polas valiosas mans dos cociñeiros locais.
Falamos dunha celebración que naceu como unha idea do propio pobo, por e para o pobo, destinada a enxalzar este equinodermo e que ano tras ano foi gañando peso en convocatoria e en calidade, ata conformar unha festa de prestixio que foi declarada de Interese Turístico Galego no 2008.
Neste impulso á nosa festa, teño que lembrar e recoñecer o papel e contribución dos autores desa primeira idea, e o feito de que foran os propios veciños quen a promoveran, pois aquilo que nace do pobo sempre ten éxito.
Desde as administracións estamos obrigados a prestar colaboración, a sumar os nosos esforzos a aquelas boas ideas que xurdiron do pobo. Así por exemplo, estase a visualizar o apoio decidido da Xunta de Galicia. Mostra evidente disto é que, as últimas edicións concitaron a presenza da Conselleira do Mar e do titular do departamento de Cultura do actual goberno galego.
A Festa do Ourizo está a converterse, por méritos propios, na cita gastronómica máis tradicional do municipio e a única deste tipo, na que se exalta un produto alimentario, que conta con esta distinción que outorga a Xunta.
Pero tamén é xusto significar que moito deste éxito é froito do elevado grado de implicación da veciñanza desde a súa orixe, ata na integración do produto exaltado nos hábitos culinarios da zona. Posto que a vila de San Ciprián está a ser, desde tempo inmemorial, un punto de extracción do ourizo de mar.
Unha festa que é espazo e destino común do esforzo conxunto dos hostaleiros, da Confraría de pescadores, … pero que ademais debe moito a todas as persoas que acoden atraídos por un dos produtos máis tradicionais das nosas augas salgadas.
Estamos convidados sempre a gozar da excelente calidade do ourizo, do seu inconfundible sabor a mar. Este sábado tamén, todos temos unha boa escusa para coñecer a riqueza gastronómica, paisaxística e cultura do pobo de San Ciprián, desta Península que presume con razóns e moitos méritos.
Jose Manuel Balseiro Orol
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
