Comeza no CENTRAD un novo curso de artesanía para adultos
– O Centro de Artesanía e Deseño acolle dende hoxe e ata o 13 de maio un curso de fabricación de torques coas 7 prazas dispoñibles cubertas
– Os cursos de encaixe de palillos e cestaría de vimbio comezarán o 30 de abril e 8 de maio, respectivamente, coa cota de prazas tamén cuberta
A Deputación vén de poñer en marcha este sábado un novo curso da programación de primavera do Centro de Artesanía e Deseño. Trátase de “Fabricación de pezas. Torques”. Ata o vindeiro 13 de maio, as sete persoas que cubren a totalidade das prazas dispoñibles para esta acción formativa, aprenderán as técnicas de elaboración desta peza tan representativa da cultura castrexa e que pervive coma complemento de moda nos nosos días. A institución provincial continúa potenciando así un sector que conxuga tradición e modernidade, sendo unha oportunidade económica de primeiro nivel.
O curso desenvolverase nas instalacións do Centro de Artesanía e Deseño os sábados de 16:00 a 21:00 horas e os domingos de 9:00 a 14:00 horas, e os alumnos aprenderán técnicas de fabricación de pezas en metal, así coma algo da historia da ourivería. O encargado de compartir os seus coñecementos cos participantes será Adolfo Domínguez, recoñecido ourive lucense con obradoiro propio.
A tempada de primavera do CENTRAD conta con dous cursos máis que se celebrarán nas instalacións do Centro na Travesía da Rúa Chantada da capital lucenses. Son “Encaixe de palillos” e “Iniciación á cestaría”. O primeiro deles terá lugar os luns, mércores e venres do 30 de abril ó 25 de maio, de 9:30 a 13:30 horas, coas oito prazas cubertas, ó igual que as dez do curso de cestaría de vimbio, entre o 8 e 15 de maio, de 9:00 a 14:00 horas de luns a venres.
Remitido
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
