BURELA(FNC) .- Burela conmemora o día internacional das mulleres que se celebra o vindeiro 8 de marzo cunha charla coloquio que se desenvolverá mañá venres ás 19:00 horas no salón de plenos da Casa do Concello. A delegada de Igualdade, Neves Cando, di que “queremos reflexionar este ano sobre o traballo das mulleres de hoxe, como se presenta o mercado laboral para as mulleres unha vez que rematan os seus estudios e se deciden a traballar, cómo se leva hoxe en día o de traballar fora e dentro da casa e qué problemas e qué expectativas de traballo hai para as mulleres neste momento”.
No salón de plenos do Concello de Burela falarán catro mulleres novas que desenvolven a súa actividade laboral en catro campos moi diversos. Participarán na charla coloquio: Alicia Carballedo, xornalista e delegada do xornal El Progreso na Mariña “que falará da súa experiencia á fronte do equipo de xornalistas de Burela”; Teresa Quelle, mestra e directora da galescola de Burela “que ten unha ampla experiencia laboral no mundo do ensino e que tamén percibe de primeira man o que supón o acceso ao traballo das mulleres-nais que levan aos seus fillos e fillas á nosa escola infantil”; Dores Santos, empresaria de Burela “que despois de ter traballado fora se incorporou ao negocio familiar para desenvolver alí a súa faceta laboral” e Rosana Carballés, fisioterapeuta e xogadora do Burela F.S femininio “que nos contará como se combina a actividade laboral coa deportiva e cómo está o escenario laboral para as mulleres máis novas sobre todo agora nestes momentos de grande crise económica”.
Neves Cando sinala que “se trata dunha homenaxe a todas as mulleres de Burela que hoxe en día saen adiante nos seus traballos e contribúen a que o camiño da igualdade real se vai facendo entre todos e todas. Convidamos aos veciños a que asistan a este acto que será tan entrañable coma o foi o do ano pasado”.
Balance do ano pasado
A edil nacionalista lembra que “no 2008 organizamos unha charla de lembranzas das nosas mulleres traballadoras onde cinco mulleres de Burela nos falaron das súas condicións laborais hai 50 anos e vimos como da man destas e doutras moitas mulleres e do seu traballo se foron levantando a escola e as fábricas do noso pobo e vimos tamén como o concepto de conciliación da vida laboral e familiar xa estaba máis que inventado daquela. Foi o ano pasado unha fermosa homenaxe a todas as mulleres de Burela que no seu traballo dentro e fora da casa sacaron adiante ás familias e puxeron as bases para o crecimento económico do noso pobo”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
