O BNG DE LOURENZÁ CRITICA QUE A XUNTA DEIXA DE FINANCIAR O SERVIZO DE AXUDA NO FOGAR QUE ATENDE A 40 PERSOAS DO CONCELLO
César Docampo critica que “ao eliminar as axudas a Xunta o goberno municipal fai sufragar o servizo ás persoas que o reciben cunha suba das taxas, ao igual que acontece co PAI, cuxas taxas soben un 15%”
Docampo afirmou que “de 30.000 euros que a Xunta aportaba en 2010 para finaciar o SAF en Lourenzá, agora pasa a non aportar nada, o que vai repertucir no prezo dos servizos para os veciños e veciñas”
Lourenzá, 21 de xuño de 2012. Esta mañá, o portavoz do BNG en Lourenzá, César Docampo, expresou en nome do BNG de Lourenzá o seu rexeitamento ao brutal recorte que a Xunta de Galiza vén de aplicar no sistema de benestar e que vai ter particular incidencia en todos os concellos galegos de menos de 20.000 habitantes, que na provincia de Lugo son todos menos o da propia capital.
Segundo explicou César Docampo “os efectos dos recortes da Xunta de Galiza a raíz do decreto 99/2012, que elimina as axudas autonómicas nos concellos de menos de 20.000 habitantes para os servizos de Axuda no Fogar e demais servizos de titularidade municipal (como Escolas Infantís, etc), xa se están sentindo en Lourenza e xa os notamos nos orzamentos do Concello para este ano, como se vé na subida dun 15% das taxas do Punto de Atención á Infancia, xa que é un centro de titularidade municipal que viña recibindo axuda da Xunta de Galiza para o seu funcionamento e que agora vai ter que ser financiado na súa totalidade con fondos do propio Concello”.
Ademais, César Docampo sinalou que no Concello de Lourenzá “hai 40 persoas usuarias directas que se benefician do servizo de axuda do fogar básico, polo que a Xunta de Galiza ao non outorgar ningunha axuda ao Concello deixa abandonados a un numero importante de persoas e condenándoas a pagar un prezo moito máis alto pola mesma atención que viñan recibindo, poñendo en risco tamén o emprego das persoas que traballan neste servizo”.
César Docampo, portavoz do BNG en Lourenzá, afirmou que “as axudas da Xunta aos servizos sociais comunitarios xa foron recortadas os anos 2010 e 2011, especialmente no que se refire ao Servizo de Axuda no Fogar. O Plan de 2011 dispoñía de preto de 24 millóns de euros para as prestacións sociais básicas, servizos sociais comunitarios e plan de desenvolvemento xitano, e o goberno do PP os recortou en 2,4 millóns de euros. Para este ano 2012, o plan concertado quedou na metade, en 12,4 millóns de euros. Isto tradúcese en que para o noso Concello, cando a Xunta en 2010 a través do Plan Concertado outorga 29.479 euros para o Servizo de Axuda no Fogar, para este mesmo concepto en 2011 só achegou 4.900 euros e agora, para este ano CERO euros”.
Esta política de eliminación de axudas autonómicas para servizos básicos fixo que o Concello de Lourenzá realizase un plan de axuste, algo que o BNG de Lourenzá considera xa que implica que, tal e como explicou o portavoz César Docampo, “a suba de taxas de recollida de residuos sólidos sexa dun 25% no ano 2013, un 15% na taxa do servizo do punto de atención á infancia (P.A.I.) ou un 6,4% na taxa do servizo municipal de abastecemento de auga e saneamento, polo que é totalmente incríbel que a mala xestión dos recursos municipais a acaben pagando de novo os cidadans, para nós resulta pouco ético facer unha suba de taxas directas dun 25% na recollida do lixo, para recadar 24.000€ máis mentres se aprobou un incremento da partida orzamentaria destinada a salarios de alcalde e tenente alcalde de 14.000€, tampouco entendemos como o funcionamento do concello incrementa a súa porcentaxe de gasto nos orzamentos municipais dun 42,43% no 2011 ao 48,80% no 2012 cando a poboación do concello está a diminuír alarmantemente”.
Segundo explicou César Docampo, “o decreto publicado vén a corroborar que o goberno do PP na Xunta de Galiza se desentende por completo dos servizos sociais comunitarios nos concellos de menos de 20.000 habitantes, en especial do Servizo de Axuda no Fogar Básico, o que obrigará no mellor dos casos aos concellos a financiar estes servizos e aos usuarios e usuarias a pagar máis nas súas aportacións como copago, ou no peor dos casos a que os servizos desaparezan e só se manteñan para as persoas dependentes coa prestación asignada no seu Plan Individual de Atención”. Docampo lembrou tamén que “o Goberno Galego obriga aos Concellos de menos de 20.000 habitantes en financiar nun 20% o Saf Básico nun momento en que as arcas municipais enfrontan graves problemas, pero o que é máis grave tentase eliminar un servizo ao que teñen que recorrer as persoas con problemas de desestruturación familiar, casos de enfermidade aguda tras alta hospitalaria, persoas en situación de dependencia aínda non valoradas, persoas en situación de dependencia valorada e con dereito pero que non teñen o acceso ao Servizo de Axuda no Fogar ou outra prestación asignada, cuxa lista de espera hoxe en Galiza supera as 27.000 persoas. En definitiva convértese o Saf para dependentes e básico nun artigo de luxo do que se viran privados milleiros de galegos xa que se fixa unha nova regulación da participación económica das persoas usuarias no custe do Servizo de Axuda no Fogar que incrementa de xeito substancial en case todos os tramos de renda o copa
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
