O programa estival Noites Alternativas volve un ano máis con actividades deportivas e xogos
-A praza dos Campos, a praza do Souto e a praia do Torno son os escenarios das distintas iniciativas
Cervo, 14 de xullo de 2012-O Concello de Cervo pon en marcha un ano máis o programa de lecer Noites Alternativas, no que se inclúen numerosas actividades deportivas e lúdicas para todas as persoas de a partir de 10 anos en distintas localizacións de San Ciprián e Cervo en horario de 22:00 a 1:30 horas. O programa arrincará o vindeiro martes, día 17 de xullo, e rematará o 9 de agosto, tempo no que o Concello ofrece distintas posibilidades para que os usuarios elixan as máis axeitadas aos seus gustos.
As opcións van dende deportes como o fútbol sala, baloncesto ou fútbol praia, ata xogos variados para os máis pequenos. O ciclismo tamén terá cabida no programa coa organización do Día da Bicicleta, que arrincará o día 20 de xullo ás 17:00 horas cunha xincana e rematará cunha ruta en bici por San Ciprián.
En canto aos lugares de desenvolvemento do programa, varían en función das súas características. En San Ciprián a praza dos Campos acollerá os xogos e deportes como o fútbol sala, o baloncesto, ou a xincana do Día da Bicicleta, mentres o fútbol praia terá lugar no areal do Torno. No caso de Cervo, a praza do Souto é o lugar elixido para os xogos.
Moitas das actividades celébranse un só día, pero outras, en especial as deportivas, están organizadas en pequenos torneos de tres días de duración e segundo as distintas categorías de idades. En canto á inscrición, poderá facerse antes do comezo de cada actividade. No caso dos campionatos deportivos, deberá realizarse o primeiro día.
A edil de Deportes, Yolanda Pedreira, animou á veciñanza e a visitantes e turistas de Cervo a participar no programa Noites Alternativas “no seu cuarto ano consecutivo de posta en marcha co obxectivo de encher de actividades as horas de lecer nocturno”. A continuidade no tempo e os niveis de participación, “que se manteñen en cifras positivas”, levan a falar “dun programa consolidado que pretendemos seguir ofertando polo carácter activo e participativo das actividades e como fomento da práctica do deporte e das opcións saudables de lecer” remata Pedreira.
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
