O concello de Mondoñedo celebra hoxe o seu pleno municipal
O PP pediralle en pleno ao rexedor mindoniense que clarifique a contabilidade local e que traballe para solventar o problema do tráfico na localidade
O PP votará en contra dunha contabilidade que o propio rexedor local cualifica de irreal e pediralle ao equipo de goberno que confirme se existe un remanente de tesourería superior ao 1.900.000 euros e de non ser así esixiralle que depure os saldos e presente unha contabilidade que reflexe unha imaxe fiel da situación económica do concello
Os populares solicitaranlle ao goberno local que ofreza alternativas ao problema do tráfico en Mondoñedo escoitando as demandas dos veciños e que inicie os contactos oportunos e as xestións necesarias que permitan minimizar esta problemática
Mondoñedo, 27 de setembro de 2012- A orde do día do pleno do Concello de Mondoñedo recolle a aprobación das contas do 2011, ás que o Grupo do Partido Popular de Mondoñedo votará en contra. Tal e como afirma a portavoz local, Elena Candia, o partido que representada “non votará a favor dunha contabilidade que o propio rexedor local di que son ficticias, irreais e alonxadas das posibilidades económicas do concello
A portavoz local explica que de xeito continuado nos últimos anos o equipo de goberno de Mondoñedo pode estar aprobando unha contabilidade irreal e segundo Candia, esta actitude debe ter responsabilidades. Dada esta situación, o Partido Popular levará hoxe a pleno unha moción na que lle pide ao rexedor local que clarifique a contabilidade do Concello. En concreto, o PP instará ao goberno municipal a que de ser fiel a contabilidade exposta publicamente que presenta un remanente de tesourería que supera o 1.900.000 euros, pague inmediatamente as débedas pendentes, e que incluso cancele o préstamo contratado para pago a provedores.
Pola contra, se como afirma publicamente o goberno local, a contabilidade feita pública é irreal, e por conseguinte non reflexa a imaxe fiel da situación do concello; o Grupo Municipal do Partido Popular instará ao equipo de goberno a que de xeito inmediato se proceda a obrigada corrección da contabilidade, ben sexa depurando saldos ou calquera outra medida, que indiquen os servizos xurídicos do concello. Se a contabilidade presentada non reflexa a imaxe fiel da situación do Concello, Candia preguntaralle ao rexedor local porque tras gastar máis de 40.000 euros na contratación dunha empresa contable externa e incluso firmar un convenio coa Deputación, non centra este diñeiro en depurar saldos (no caso de que haxa que facelos) e aprobar unha contabilidade real.
O PP non será responsable dunha aprobación de contas que o mesmo rexedor local di que son ficticias, irreais e falsas.
.Inoperancia en materia de tráfico
Durante a sesión plenaria que se celebrará hoxe, o Partido Popular esixiralle de novo ao equipo de goberno que centre o seu traballo e esforzo en solucionar o tema de trafico. Segundo explica Candia, as alegacións presentadas polos veciños así como a recollida de sinaturas, confirman o que o PP está a denunciar dende fai tempo: o descontento xeneralizado coa política de trafico do bipartito.
Por elo, O PP solicita de xeito urxente que o equipo de goberno inicie contactos coa familia propietaria duns terreos en venta, no entorno da Igrexa de Santiago para ofrecer novas alternativas de estacionamento. Segundo a popular, esta é unha gran reivindicación dos mindonienses e neste momento ten posibilidade de sacala adiante.
O Partido Popular de Mondoñedo propúxolle ao equipo de goberno alternativas que permitirían aliviar os problemas de estacionamento, incluso no entorno do centro de saúde do municipio. Os populares esperan que o sectarismo político do rexedor local non prive unha vez máis aos veciños do estudo de propostas que buscan solventar os problemas dos mindonienses.
O Partido Popular manifestou en todo momento e reiterou a necesidade de acordos consensuados e pactar unha reordenación de tráfico na cidade, facilitando e sensibilizando a poboación dun uso razoable e respectuoso dos espazos que fomente a convivencia de peóns e vehículos, conlevando un aspecto dinamizador da riqueza para o comercio e a hostalería mindoniense.
Por último, os populares preocupados polo rural mindoniense seguiranlle a dar traslado ao equipo de goberno das reinvindicacións dos veciños. Neste pleno, manifestará a súa protesta polo mal estado do desbroce da vía de Maariz e Sasdónigas. Os populares denuncian a inseguridade que conleva esta situación, xa que pola zona pasa o Camiño de Santiago.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocou o luns a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
