COMPROMISO POR GALICIA PRESENTA UN PLANO PARA APOIAR A CREACIÓN DE EMPRESAS POR PARTE DA XENTE NOVA. ANUNCIOUNO O CABEZA DE LISTA POR LUGO, IVÁN MARRUBE.
Lugo, 27 de setembro de 2012. O cabeza de lista para a provincia de Lugo, Iván Marrube, ven de anunciar que o programa electoral co que Compromiso por Galicia concorrerá ás eleccións autonómicas o próximo 21 de outubro incluirá a PEME (Plano Estratéxico da Mocidade Emprendedora).
Iván Marrube explicou que nesta provincia “a taxa de paro entre a xente nova acada niveis
alarmantes, polo que se precisan políticas públicas de reactivación da actividade económica e máis concretamente no ámbito da mocidade, e non o auténtico despropósito destes catro anos, onde os mozos e mozas seguen a emigrar para poder sacar adiante os seus proxectos persoais e vitais mentres Feijóo mira para outro lado”.
Segundo Marrube, “cómpre apostar por unha sociedade creativa, emprendedora e traballadora, posibilitando á mocidade a súa inserción no tecido produtivo galego como actores principais e non nunha posición subsidiaria”. Este plano contempla unhas cifras que “son total e absolutamente asumibles nas actuais circunstancias financeiras para apoiar proxectos innovadores e de futuro formulados pola xente nova”. O PEME pivotaría en dous eixos, “o do asesoramento financeiro e de xestión empresarial e o de axuda directa”, segundo comentou Iván Marrube. O asesoramento consistiría na orientación empresarial á mocidade emprendedora acompañada da eliminación de todas as trabas burocráticas para a posta en marcha dun proxecto empresarial. No que se refire á concreción das axudas estas irían dende as directas, con 6.000 euros para a creación da empresa para todas aquelas persoas menores de 35 anos e 2.000 euros máis por emprego por conta allea creado no primeiro ano, priorizándose as actividades intensivas en coñecementos como as empresas de bases tecnolóxicas e as industrias creativas. Tamén incluiría vantaxes fiscais durante o primeiro ano de vida das empresas.
O PEME suporía un investimento de 70 millóns de euros durante o periodo 2013-2015 para a creación de 5.000 postos de traballo de alta cualificación en toda a comunidade autónoma.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
