METEOSIX, A APLICACIÓN PARA MÓBILES DE METEOGALICIA, SUPERA XA AS 20.000 DESCARGAS
MeteoSIX Mobile achega a predición do tempo para tres días en Galicia,
personalizada para 29.500 localidades e 800 praias
A versión para iPhone saíu en xullo e en setembro publicouse a terceira
actualización para os smartphones con Android, que entre outras
melloras engade soporte para a última versión desta plataforma
Este ano a cobertura da aplicación estenderase a todo o litoral atlántico e
resto da Península, con novos servizos, como datos das estacións
meteorolóxicas e información relativa ás mareas ou ás horas de saída e
posta do sol
Santiago de Compostela, 03 de outubro de 2012. – Obter no móbil a predición
meteorolóxica para calquera punto de Galicia ou da súa costa é hoxe algo moi
sinxelo grazas á aplicación MeteoSIX Mobile, dispoñible para os teléfonos
intelixentes e tabletas que contan cos sistemas Android e iOS (iPhone e iPad).
Milleiros de persoas xa teñen instalada nos seus teléfonos intelixentes a aplicación,
descargada unhas 20.400 veces, e que permite buscar entre máis de 29.500
localidades e 800 praias ou seleccionar calquera lugar no mapa, en terra ou no
mar, e obter a predición para ese punto.
Unha vez seleccionado o lugar, ou cando o propio móbil detecte onde se
atopa, pódese consultar a predición hora a hora para tres días e as seguintes
variables: estado do ceo, temperatura, precipitacións, vento, cota de neve,
humidade relativa, cobertura nubosa, presión, altura, período e dirección de onda e
temperatura e salinidade da auga. MeteoSIX Mobile permite gardar facilmente os
lugares favoritos, para poder así acceder á predición meteorolóxica ou
oceanográfica para eses puntos directamente e sen necesidade de buscalos de
novo.
Está previsto que neste ano 2012 a cobertura da aplicación se estenda a todo
o litoral atlántico e resto da Península Ibérica, con novas melloras e servizos, como
poder coñecer información relativa ás mareas ou ás horas de saída e posta do sol
nun punto determinado. Tamén se poderá consultar o estado da meteoroloxía para
calquera punto de Galicia en tempo real, a partir dos datos procedentes das
estacións meteorolóxicas.
INFORMACIÓN ABERTA
Usuarios avanzados como grupos de investigación universitarios e
desenvolvedores interesados en crear novas aplicacións a partir dos datos que
publica MeteoGalicia contan ademais cun servizo web que achega os datos de
predicións en diversos formatos de fácil procesamento ou directamente inseribles
en webs.
O proxecto MeteoSIX iniciouse en decembro do 2009 e está coordinado por
MeteoGalicia, organismo dependente da Consellería de Medio Ambiente, Territorio e
Infraestruturas, e nel tamén participan o Grupo de Arquitectura de Computadores
da Universidade da Coruña (UDC), o Laboratorio de Sistemas da Universidade de
Santiago de Compostela (USC) e o Centro de Supercomputación de Galicia
(CESGA).
Está financiado polo Plan Galego de I+D+i INCITE da Xunta de Galicia en
colaboración co proxecto Interreg RAIAco, Observatorio Oceánico da Marxe Ibérica,
e busca dotar a MeteoGalicia dunha Infraestrutura de Datos Espaciais (IDE) para o
acceso a datos meteorolóxicos e oceanográficos e crear canles de acceso á
información axeitadas para o maior número posible de usuarios.
Información adicional relativa á aplicación e a este proxecto pode consultarse
neste enderezo:
http://www.meteogalicia.es/web/proxectos/meteosix.action
CESGA
O Centro de Supercomputación de Galicia (CESGA) que depende da
Consellería de Economía e Industria da Xunta de Galicia e do Consello Superior de
Investigacións Científicas (CSIC), é un organismo cunha traxectoria de máis de 19
anos. O seu obxecto é investigar, fomentar e difundir servizos de cálculo intensivo e
comunicacións avanzadas ás comunidades investigadoras galega e do CSIC, así
como a aquelas empresas ou institucións que o soliciten
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
