Os investimentos da Secretaría Xeral para o Deporte na nosa comarca teñen por obxecto contribuír servir de pulo para a práctica de actividades físicas e implantar na sociedade un estilo de vida máis saudable
Balseiro asegura que os preto de 2 achegados pola Xunta nesta lexislatura permitiron multiplicar as dotacións e espazos deportivos dos concellos da Mariña
Salientan os 600.000 euros investidos no campo de herba artificial da Marosa, en Burela, as melloras das piscinas municipais de Cervo e Lourenzá, con achegas superiores aos 50.000 euros, ou novas instalacións como a pista de padel de Barreiros ou o circuíto de motocros en Paleira (Trabada) ou as pistas multixogos e circuítos biosaudables construídos na practica totalidade de concellos da comarca
A Mariña, 3 de outubro de 2012.- Os preto de dous millóns de euros achegados pola Xunta nesta lexislatura permitiron multiplicar as dotacións e espazos deportivos nos distintos concellos da Mariña lucense e contribuíron a facer máis atractiva a práctica de distintas actividades físicas que redundan no benestar da sociedade e contribúen a que os veciños da comarca dispoñan, grazas ao deporte, dun estilo de vida máis saudable.
Campo de fútbol da Marosa
Entre as actuacións desenvolvidas nestes últimos catro anos están as obras do obras acometidas no campo de fútbol da Marosa que contaron cun orzamento de 600.000 euros e consistiron no cambio de céspede, na instalación da rede de rego mediante aspersores, a delimitación do terreo de xogo e o acondicionamento de dous campos de fútbol 7. Así mesmo, realizáronse actuacións para a recollida das augas de escorrentía e recolocouse o alumeado xa existente.
Piscina Municipal de Cervo e Lourenzá
Outras actuacións que polo seu importe destacan, son as realizadas na piscina municipal de Cervo, unha das tres únicas de Galicia de 50 metros de lonxitude, foi mellorada grazas ao investimento de 58.000 euros da Xunta de Galicia a través da Secretaría Xeral para o Deporte. Outros 55.029 foron destinados á reparación do vaso da piscina de Lourenzá.
Nova pista de padel e outras actuacións
Ao investimento en Cervo e Lourenzá únese o que realizou a Secretaría Xeral para o Deporte no Concello de Barreiros para a construción dunha pista de padel. O investimento neste caso chegou a 30.392 euros.
Outras actuacións relevantes desenvolvidas pola Xunta nestes ámbitos son os 111.846 euros para o circuíto de motocros en Paleira (Trabada), os 56.416 euros destinados á grada no campo de fútbol municipal deste mesmo concello, os 45.096 euros da pista multideportiva de céspede artificial do Valadouro, os 49.490 euros da pista multixogos de Mondoñedo e Viveiro e a cubrición da pista ao aire libre de Lourenzá, para o que se investiron 47.200 euros. En Xove a Xunta achegou 46.240 euros para o acondicionamento dun circuíto deportivo urbano.
Patrocinios deportivos
A Xunta tamén asinou contratos de patrocinios cos equipos de alta competición da comarca como os equipos de fútbol sala CD Burela, masculino e feminino, cun importe de máis de 65.900 euros, entre outros.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
