CERVO .- Cervo tramitará as solicitudes de axudas para familias con fillos menores de 3 anos ao seu cargo. O epartamento Municipal de Servizos Sociais de Cervo informará e tramitará nas oficinas da Casa do Concello ou ben na Casa da Cultura en San Ciprián as axudas por importe de 360 euros que teñen dereito a recibir as familias galegas por cada un dos fillos menores de 3 anos que estean ao seu cargo.
NOTA DE PRENSA
Os beneficiarios son aquelas persoas con fillos nacidos entre o 2 de xaneiro de 2006 e 1 de xaneiro de 2009, ambos inclusive e que, por razón dos ingresos obtidos non estiveran obrigados a presentar a declaración da renda
CERVO TRAMITARÁ AS SOLICITUDES DE AXUDAS PARA FAMILIAS CON FILLOS MENORES DE 3 ANOS AO SEU CARGO
· O prazo de solicitude remata o 13 de maio e a contía das prestación ascende a 360 por fillo.
· Os técnicos municipais da Casa da Cultura de San Ciprián e do Concello de Cervo informarán e tramitarán as correspondentes solicitudes.
Cervo, 03 de abril de 2009.- O Departamento Municipal de Servizos Sociais de Cervo informará e tramitará nas oficinas da Casa do Concello ou ben na Casa da Cultura en San Ciprián as axudas por importe de 360 euros que teñen dereito a recibir as familias galegas por cada un dos fillos menores de 3 anos que estean ao seu cargo.
A orde do 11 de marzo de 2009 –publicada no Diario Oficial de Galicia o 03/04/09- establece as bases que rexerán a concesión desta prestación económica de pagamento único. Os beneficiarios son aquelas persoas con fillos nacidos entre o 2 de xaneiro de 2006 e 1 de xaneiro de 2009, ambos inclusive e que, por razón dos ingresos obtidos non estiveran obrigados a presentar a declaración da renda. Esta axuda tamén é extensible aos casos de adopción ou acollemento.
O prazo de solicitude das axudas remata o 13 de maio entre a documentación que deben achegar para solicitar a axuda está a fotocopia do DNI da persoa solicitante e do seu cónxuxe ou parella, a autorización dos membros da unidade familiar para poder consultar os seus datos de carácter tributario, a fotocopia do libro de familia e da cartilla de aforros e a declaración doutras axudas solicitadas ou concedidas con este mesmo obxecto por outra administración pública.
—
PRESTACIÓN ECONÓMICA DE PAGAMENTO ÚNICO POR FILLO/A MENOR A CARGO PARA O ANO 2009
D. ALFONSO VILLARES BERMÚDEZ, Alcalde-Presidente do Concello de Cervo, INFORMA:
Segundo a Orde do 11 de marzo de 2009, DOG. núm. 65 do 03/04/09, establécense as bases que rexerán a concesión da prestación económica de pagamento único por fillo/a menor a cargo.
Persoas beneficiarias:
• Persoas que teñan ao seu cargo fillos menores de 3 anos na data de 1 de xaneiro de 2009 (nacidos entre o 2-1-2006 e o 1-1-2009, inclusives) e que, por razón dos ingresos obtidos durante o ano 2007 nin elas nin ningún dos membros da unidade familiar estivesen obrigadas a presenta-la declaración do IRPF.
No caso de fillos/as adoptados ou acollidos entre o 31 de decembro de 2007 e o 31 de decembro de 2008, a prestación poderase conceder durante os tres anos posteriores á data da inscrición no Rexistro Civil ou, cando esta non sexa necesaria, a partir da data da resolución xudicial ou administrativa que a declare.
• Nos supostos de nulidade, separación ou divorcio, o pai/nai que teña a custodia dos fillos, de acordo co establecido no convenio regulador ou senteza de separación ou divorcio.
Para solicitar a mencionada axuda será necesario presentar a seguinte documentación:
– Fotocopia do DNI ou NIE da persoa solicitante e do seu cónxuxe ou parella
– Autorización dos membros da unidade familiar para obter os seus datos de carácter tributario (anexo II)
– Fotocopia do Libro de Familia ou certificación literal de nacemento de cada un dos fillos menores de 3 anos
– Fotocopia da folla da cartilla de aforros na que figure o nº de conta, ou certificación bancaria
– Declaración do conxunto de todas as axudas solicitadas ou concedidas por este mesmo concepto por calquera administración pública (anexo III)
– Copia da sentenza de nulidade, separación ou divorcio, e do convenio regulador, de ser o caso.
– Nos supostos de adopción ou tutela, copia do auto xudicial de adopción ou da resolución xudicial de constitución da tutela.
Se a persoa solicitante recibira a prestación familiar por fillo menor a cargo no ano 2008 e non ten solicitadas nin concedidas outras axudas por este mesmo concepto, só terá que presentar a solicitude e copia do DNI/NIF, sempre e cando non se modificaran as circunstancias persoais, xurídicas e económicas determinantes do dereito á prestación.
O prazo de presentación de solicitudes remata o vindeiro 13 de MAIO
As persoas interesadas deberán acudir ó Departamento Municipal de Servizos Sociais do Concello ou ben á Casa da Cultura en San Cibrao.
Cervo, 3 de abril de 2009
O ALCALDE
Asdo. Alfonso Villares Bermúdez
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
