OS SOCIALISTAS ALERTAN QUE O TRASPASO DE COMPETENCIAS DA POLICÍA LOCAL Á XEFATURA PROVINCIAL PODE SER O INICIO DO FIN DESTE SERVIZO
-No último pleno, votaron en contra desta proposta do goberno xa que consideran que “non se pode renunciar a unha prestación que nos costou tanto esforzo conseguir e que atinxe á seguridade dos veciños”
-Aseguran que “dende que entrou Villares na alcaldía, o servizo cada vez vai a menos, se segue así, será moi difícil recuperalo xa que hoxe non se contempla a obriga de dotar de Policía Local a concellos de menos de 5.000 habitantes”
CERVO, 31 DE OUTUBRO. Os membros do Grupo Municipal Socialista de Cervo votaron en contra dunha proposta presentada polo equipo de goberno no último pleno en relación á suscripción dun convenio da Xefatura Provincial de Tráfico de Lugo para traspasarlle a competencia de sancionar as infraccións en materia de tráfico, circulación de vehículos a motor e seguridade viaria cometidas nas vías urbanas do Concello de Cervo, ata o de agora asumida pola Policía Local.
Os socialistas subliñan que esta medida do alcalde, Alfonso Villares, non será máis que “o inicio do fin do servizo de Policía Local no noso Concello. Levamos alertando moito tempo que o noso rexedor pretende desmantelar pouco a pouco este servizo. A falta de medios persoais e materias que xustifica para a solicitude deste convenio é responsabilidade del mesmo, da súa desidia e deixadez de funcións neste ámbito”.
Lembran que “cando entraron no Concello, os veciños contaban cun servizo moi completo pero grazas á súa pasividade agora mesmo só temos un policía e un auxiliar. Se continúan así, acabaremos perdendo esta prestación e será moi difícil volver a recuperala, xa que actualmente non se contempla a obrigatoriedade de dotar ós concellos de menos de 5.000 habitantes, coma Cervo, de Policía Local”. Neste senso, “minten cando din que a medida terá carácter temporal, se seguimos traspasando competencias, será moi duro volver a conseguilas”.
Dende o GMS esíxenlle ó señor Villares que “se deixe de tanta demagoxia e que loite por servizos relevantes coma este que tanto esforzo nos costou conseguir e atinxen, por riba de todo, á seguridade dos nosos veciños”.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
