A ESCOLA DE FONDOS
Mañán, martes, ás 5 da tarde vai ter lugar, na gardería infantil a presentación do libro de Antón Niñe, entusiasta estudoso do pasado do noso concello, de consideracións que teñen que ver con aspectos que reflicten cuestións referidas aos valores humanos, culturais e sociais das nosas xentes; o libro titúlase: “ Fondós, de escola a Gardería Infantil”, feito ao que o cronista concede moi sinalada importancia porque a obra de Antón significa a recuperación da memoria do que, para nós, constitue un dos episodios mais transcendentes e gratificantes do currículo do noso pobo; acontecemento histórico do que os focegos temos moi vagas referencias, pouco mais alá de que na súa escola foron ensinantes dous mestres ilustres: Noriega Varela ou Salgado Toimil ou que en tempos a planta baixa utilizouse como depósito dos presos. Sabemos sí, que se trata da Fundación Pascual Villapol porque dende os anos sesenta, que mandara colocar o alcalde Beltrán, unha placa figura na súa fachada. Pero, ¿quén era o focego que dende Perú enviara os medios para o seu financiamento e a quen a institución municipal nunca concedeu honra espallando o seu nome e a historia, nen sequera adicando unha rúa como fixo, por exemplo, con Gorbachov…? As vellas paredes de Fondós son depositarias de moitas páxinas focegas: aquí Noriega casou con Ramona Bello; aquí finou súa nai e aquí o “Cantor da Montaña” tivo a dramática oportunidade de adicar ao seu primeiro fillo os desgarradores versos: “Fillo do corazón, que nas meniñas/ dos teus ollos levache os meus amores/ descansa eternamente entre flores/ que non te ei de olvidar entre as espiñas./ Se as bagoas de túa nai e as bágoas miñas/ non te resucitaron…¡xa nacores!;/ este mundo é o liñeiro das delores/ e o ceo ¡fixoo Dios para as esterliñas!/ A Virxe te acobexe no seu manto/ e, xa que é tan cativa a miña sorte/ que non me valeo nada achousar tanto,¡ pide que a triste vida se me acorte: / mellor quero ir para o camposanto,/¡que vivir recordando a túa morte!.” Mais alá da grande labor pedagóxica mentar a Salgado e lembrar ó fillo adoptivo, ó escritor e ó benfeitor social…
Suso Fernández
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
