CERVO .- O Alcalde de Cervo, Alfonso Villares, asinou un convenio cos representantes da asociación de empresarios da Primeira Transformación da Madeira de Lugo co obxecto de garantir o bo uso dos servizos de titularidade municipal. As empresas maderistas comprométense a reparar os danos que causen nas vías públicas nas a durante os traballos de explotación forestal.
Nota de Prensa
O convenio protocoliza os pasos e trámites administrativos que deben seguir as distintas empresas que desenvolven traballos de corta de madeira no termo municipal
CERVO ASINA UN CONVENIO COAS EMPRESAS MADERISTAS POLO QUE ESTAS SE COMPROMETEN A REPARAR OS DANOS QUE CAUSEN NAS VÍAS PÚBLICAS NAS OPERACIÓNS DE APROVEITAMENTO DOS MONTES
• O acordo asinado na tarde de onte agrupa ao 90% das empresas que traballan no termo municipal cervense.
• Os empresarios madeiristas asumen a obriga de reparar os estragos causados nun prazo non superior a 20 días despois de rematados os traballos de corta e aproveitamento forestais.
Cervo, 17 de abril de 2009.- O Alcalde de Cervo asinou un convenio cos representantes da asociación de empresarios da Primeira Transformación da Madeira de Lugo co obxecto de garantir o bo uso dos servizos e accesos de titularidade municipal no proceso dos aproveitamentos forestais do monte e garantir en todo momento a súa correcta conservación. Os empresarios madeiristas comprométese a promover e a procurar entre os seus asociados e as empresas de extracción e transformación encargadas da explotación do monte, que estes cumpran coa súa obriga de reparar os danos que efectivamente causen e tamén os posibles estragos provocados nas vías e camiños de titularidade pública.
Participaron no acto de sinatura do convenio, celebrado na tarde de onte na Casa do Concello, o primeiro edil Alfonso Villares Bermúdez, e o presidente desta asociación, Daniel Villapol Valea, quen estivo acompañado de empresarios pertencentes ao eido afectado por este convenio.
NOVO PROTOCOLO DE ACTUACIÓN
Grazas a este convenio protocolízanse as relacións que teñen as empresas madeiristas co Concello de Cervo. Segundo o acordado deberán solicitar unha licenza de traballo nas oficinas municipais na que figurará o permiso de corta. O Concello, rematados os traballos de aproveitamento, procederá a comprobar o bo uso dos servizos e vías municipais mediante a expedición e sinatura dun documento acreditativo, sempre en presenza dun titular da empresa madeirista. De terse producidos danos directamente imputables á empresa ou ao propietario nos bens do concello notificaráselle á empresa para que no prazo de vinte días se proceda a reparalos.
FLEXIBILIDADE
En todo caso os prazos poderían verse ampliados de mediar circunstancias especiais (choivas, traballos doutras firmas, etcétera) que serán valoradas e aprobadas polo concello. Do mesmo, xeito, ao remate do prazo comprobarase polo concello a adecuada restitución dos bens ao seu correcto estado, dándose, de ser deste xeito, por concluído o expediente.
COMISIÓN MIXTA: COLABORACIÓN PERMANENTE
Concello de Cervo e as empresas que agrupan ás principais empresas madeiristas comprométense tamén a crear unha comisión mixta –integrada por representantes de ambas partes- que ten como obxectivo principal analizar a situación do sector en cada momento así como resolver posibles conflitos que poidan xurdir no periodo de vixencia do convenio.
Este órgano paritario tamén servirá para establecer acordos para o bo desenvolvemento da actividade forestal no termo municipal do concello e o aproveitamento sostible da riqueza natural dos montes.
AMPLIACIÓN DESTE CONVENIO
Asemade, fontes municipais apuntaron que esta fórmula de acordo se estenderá proximamente á asociacións de propietarios de montes e productores de madeira da zona, cubrindo así a práctica totalidade das operacións forestais realizadas no termo municipal. Así, destacaron que xa existe acordo previo para a sinatura deste tipo de convenio con PROMAGAL, Asociación de Productores de Madeira de Galicia, polo que se podería outorgar o visto e prace ao acordo en breves días.
Deste xeito, Cervo e madeiristas acordan traballar dun xeito conxunto para conseguir que o aproveitamento dos montes se desenvolva de conformidade aos criterios actuais de sostibilidade e respectando en todo momento o bo estado das vías e bens de uso público. Ambas partes pactan e comprométense a seguir un protocolo de actuación que ofrece unha serie de beneficios mútuos e que ten o seu obxectivo final na defensa do interese xeral. Deste convenio resultarán especialmente beneficiados unha gran número de veciños e, en especial, todas aquelas comunidades vinculadas co sector forestal.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
