BURELA INCLÚE FONDOS NOS PRESUPOSTOS DE 2013 PARA AFRONTAR A CONSTRUCCIÓN DA SEGUNDA ESCOLA INFANTIL. O ORZAMENTO INCREMÉNTASE EN 270.000 EUROS CON RESPECTO AO DO ANO PASADO. GONZÁLEZ BARCIA TÍLDAO DE REALISTA E ASEGURA QUE “PERMITIRÁ MANTER O ACTUAL NIVEL DE SERVIZOS”.
Burela, 18 de decembro de 2012. O pleno do Concello de Burela debatirá o vindeiro xoves, 20 de decembro, os presupostos municipais para 2013 que ascenderán a 6.232.500 euros, 270.000 euros máis que no presente ano, que teñen unha novidade con respecto a 2012, ao incluir unha partida presupostaria para afrontar a construcción da segunda escola infantil da vila.
Así o manifestou hoxe o alcalde burelés, José María González Barcia, que compareceu en rolda de prensa xunto co seu equipo de goberno para dar a coñecer as grandes liñas do presuposto para o vindeiro ano 2013, afirmou que “o presuposto está baseado, con absoluto rigor, nos ingresos netos recoñecidos durante 2012 e de aí non nos desviamos nin un milímetro”. O rexedor indicou que “a premisa de non gastar máis do que se ingresa e pagar o que se debe, é o pilar no que se sustenta o presuposto para 2013”.
González Barcia dixo que “partindo desa premisa, os grandes obxectivos do presuposto de 2013 son manter os servicios sociais que temos na actualidade e se é posible melloralos; seguir mantendo o nivel de servicios que estamos a ofertar, entre eles, por exemplo, a oferta educativa para garantir a apertura dos centros de ensino polas tardes; manter os postos de traballo non temporais existentes no Concello; e ir reducindo todo o que poidamos a carga financieira”.
Barcia indicou que o presuposto municipal de ingresos increméntase en 270.000 euros, “derivado fundamentalmente de que se prevé un ingreso de 140.000 euros por venda de fincas en Torrentes, propiedade do Concello, ingreso que se destinará a afrontar a parte que ao Concello lle corresponde para a construcción da nova escola infantil. Os restantes 130.000 euros veñen derivados da aplicación do imposto sobre plusvalías e da actualización co IPC de determinados impostos, taxas e prezos públicos, así como do lixeiro incremento na participación nos tributos do Estado que se produciu no exercicio que agora remata”.
O alcalde subliñou “a importancia de que a devolución das liquidacións negativas de 2008 e 2009 pasasen de cinco a dez anos porque permite un marxe de maniobra que antes non tiñamos. A decisión do goberno de Rajoy foi acertada”.
González Barcia recoñeceu que “o pago da débeda financieira é fundamental dentro do capítulo de gastos. Se en 2012 pagamos 33.000 euros de intereses polo crédito de 1.100.000 euros solicitado para facer fronte ao pago anticipado a proveedores, orixinado polas facturas que outros gastaron e non pagaron, en 2013 temos que pagar só de intereses 66.000 euros, pero en 2014 serán 215.000 euros entre intereses e capital, e así ata o ano 2022”. Con todo, o alcalde manifestou que durante 2013 quedará totalmente amortizado un dos créditos existentes. “A débeda herdada do antigo Concello de Cervo ainda é moi alta, un millón cen mil euros, e significa unha auténtica lousa para a economía do noso concello”, manifestou.
O alcalde de Burela tamén se refireu á posibilidade de máis axustes: “non están contemplados máis axustes, a non ser que sexan estrictamente necesarios; de feito, sempre que se poida se colaborará cos colectivos e asociacións. Agora ben, o ano é moi largo e non temos a bola de cristal para saber o que pode pasar, ainda que confiamos en que a situación tenda a millorar lentamente”.
Referíndose á nova escola infantil, González Barcia sinalou que “todos coincidimos en que é necesaria para atender a demanda existente; e ademais xenerará postos de traballo. Son consciente de que construila suporá un enorme esforzo para este Concello, pero estamos dispostos a traballar e a buscar as fórmulas para facela realidade”.
No que se refire aos distintos capítulos de gasto, o gasto de persoal, ainda que se incrementa en termos absolutos por mor da actualización dos custes sociais co IPC, porcentualmente diminúe un 1’46%. En canto ao gasto corrente, aumenta en términos absolutos en 56.000 euros, pero porcentualmente diminúe un 1’7%.
No tocante ás transferencias correntes, o aumento é considerable, 170.000 euros, con respecto ao ano anterior. É decir, porcentualmente pasa do 4’9% do presuposto de 2012 ao 7’46% de 2013. Debido fundamentalmente a incluir nesta partida a aportación do Concello para a construcción da nova gardería. O capítulo de investimentos reais, pasa de 154.000 euros en 2012 a 178.000 euros en 2013, o que supón pasar do 2’6% do presuposto ao 2’85%.
Finalmente, González Barcia indicou que “os presupostos son realistas, permitirán manter o actual nivel de servicios, pero non poderemos darnos ningún tipo de alegría”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
