O novo plan de emprego posto en marcha pola Deputación, Fórmate en Verde, está suscitando un grande interese na provincia, como demostra que, en tan só unha semana (dende o 5 de febreiro, o día da presentación, ata hoxe mesmo) o organismo lucense recibiu un milleiro de consultas sobre a iniciativa, ben por vía telefónica, ou a través do correo electrónico e da páxina web. A Vicepresidenta Segunda, Lara Méndez, ofreceu estes datos con motivo do encontro que mantivo este xoves en Monforte de Lemos con máis dun centenar de representantes do sector agrícola para darlles a coñecer precisamente o proxecto, a través do que o organismo provincial dará formación e asesoramento técnico especializado, de maneira totalmente gratuíta, a un mínimo de 900 lucenses para que creen ou reconvertan empresas vinculadas á agricultura e á gandería ecolóxica, así como ó aproveitamento forestal sostible. O plan conta con un orzamento de 1 millón de euros, financiado ó 80% con fondos da Unión Europea.
A Vicepresidenta Segunda subliñou que, con este programa, a Deputación continúa coa súa aposta polo campo e o medio ambiente “como as verdadeiras oportunidades de futuro para a provincia, capaces de reactivar a economía, xerar emprego e frear o despoboamento que sufrimos no noso rural”. Con esta nova iniciativa, o organismo provincial consolidará ademais a Lugo como referente en Galicia en produción ecolóxica, un sector no que hoxe xa é punteira, pois na actualidade está á cabeza da comunidade galega en volume facturación, con 9 millóns de euros ó ano; e ocupa o segundo lugar en canto a superficie dedicada á produción ecolóxica, con 6.500 hectáreas.
Lara Méndez presentou Fórmate en Verde no Pazo de Tor porque este será o centro de referencia das accións formativas sobre agricultura ecolóxica, tendo en conta o importante peso específico desta actividade na Zona Sur. De feito, nas comarcas de Chantada ou Lemos a superficie dedicada ó cultivo é de entre o 30 e o 50%. Destaca tamén que a sede do Consello Regulador de Agricultura Ecolóxica de Galicia (CRAEGA) está en Monforte.
Polo que respecta á formación vinculada á xestión forestal, impartirase na Mariña, unha zona que concentra o 30% das empresas lucenses dedicadas ó sector da madeira; e a referida á gandería ecolóxica terá a Granxa Gayoso Castro como centro de referencia, dado o importante número de explotacións de carne ou leite que existen na zona centro -nas comarcas da Lugo, Terra Chá e A Fonsagrada- con municipios que contan con entre 400 e 1.000 explotacións.
Cada unha das tres ramas de formación –gandería e agricultura ecolóxica, e xestión forestal sostible- terá 300 prazas, aínda que o número final dependerá da demanda.
A quen está dirixido e cando poden anotarse
O plan Fórmate de Verde está dirixido, tanto a desempregados, como emprendedores, mozos, agricultores, gandeiros e estudantes de toda a provincia, excepto os censados no Concello de Lugo, pois son destinatarios doutros programas europeos.
Os interesados dispoñen de toda a información sobre a iniciativa na web provincial www.deputacionlugo.org. A inscrición abrirase na semana do 25 de febreiro e os cursos comezarán en marzo. Todos teñen capacidade limitada e as prazas cubriranse por rigorosa orde de inscrición.
Formación, práctica e asesoramento
O plan de emprego Fórmate en Verte, con un ano de duración, ten tres eixos:
– Formación: que poderá ser presencial, a distancia ou mixta, e se impartirá entre os meses de marzo e outubro.
– Visitas prácticas a empresas xa consolidadas dos sectores agropecuario e forestal.
– E, posteriormente, asesoramento técnico especializado a tódolos participantes para crear empresas no rural vinculadas ós sectores forestal, gandeiro e agrícola. As persoas que queiran reconverter a súa explotación, diversificar a súa actividade ou ben poñer en marcha unha nova empresa, contarán con asesoramento continuo e especializado, dende a mesma concepción da idea, ata a súa saída ó mercado. Terán ademais á súa disposición unha canle de comercialización: a plataforma de comercio electrónico www.losproductosdelugo.com da Deputación que conta hoxe con 80 empresas e 400 produtos e servizos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
