Ribadeo, 19 de marzo de 2013. A Concellaría de Mocidade amplía as prazas das actividades para os nenos e as nenas de Ribadeo que se desenvolverán durante a vindeira Semana Santa debido á demanda existente.
O edil nacionalista Xavier Campos explicou que “serán actividades centradas no aspecto lúdico, no lecer activo e na formación. Están pensadas para nenos e nenas de 1º e de 2º de primaria e tamén para nenos e nenas desde 3º de primaria ata os 14 anos”. O concelleiro de Mocidade sinalou que “en total tiñamos 70 prazas dispoñibles, pero debido a que a demanda destas actividades está a ser moi alta ampliaremos este número. Os pais e as nais que estean interesados en apuntar aos seus fillos e fillas poden pasar directamente pola Casa da Xuventude ou chamar ao seguinte número de teléfono 982 129 889”.
O luns, 25 de marzo, de 11 a 13:30 horas haberá xogos co paracaídas e co balón xigante e tamén xogos populares para rapaces e rapazas de infantil, de 1º e 2º de primaria. No mesmo horario, pero para nenos de 8 a 14 anos haberá xogo de orientación e xincana de xogos populares. E pola tarde de 16 a 18:30 horas os/as nenos/as ata 14 anos participarán nun xogo de orientación pola vila, con mapas, realizando probas relacionadas co lugar en cada un dos puntos.
O martes, 26 de marzo, de 11 a 13:30 horas os nenos e nenas de infantil (de 3 a 5 anos) desfrutarán de obradoiros e xogos. No mesmo horario os rapaces e rapazas a partir de seis anos “convivirán e pasarán un día moi agradable, pararemos a mediodía para xantar todos xuntos”, sinalan desde a OMIX. Ese día haberá de 11 a 14:30 horas e de 16 a 18:30 horas: rocódromo, tiro con arco, safari paintball, obradoiros e deportes alternativos.
Todas as actividades que haberá o 25 e o 26 de marzo celebraranse no CEIP Gregorio Sanz.
Xavier Campos engadiu que “tamén teremos obradoiros de hip hop e a proxección da película O apóstolo e outra serie de actividades e de propostas que no seu conxunto fan que a oferta para os máis pequenos sexa interesante e atractiva, como todos os anos”. E animou “aos pais e nais interesados a poñerse en contacto coa Casa da Xuventude para obter máis información e poder apuntar aos pequenos”. O obradoiro de hip hop, free dance está destinado a nenos e nenas a partir de 6 anos. E terá lugar o 27 de marzo, mércores, en horario de 11:30 a 13:30 horas para nenos e nenas de 6 a 10 anos. E de 12:30 a 13.30 horas para rapaces a partires de 10 anos. Esta actividade será no pavillón municipal.
E no auditorio municipal Hernán Naval o mércores, 27 de marzo, ás 17:30 horas será a proxección da película de animación O Apóstolo, recomendada para nenos e nenas maiores de 7 anos.
Para maiores de 18 anos
A Casa da Xuventude acollerá tamén dous monográficos para maiores de 18 anos, educadores e educadoras, en xeral, que poidan aplicar os coñecementos e a experiencia na súa actividade diaria. O 25 de marzo de 9 a 14 horas e de 16 a 21 horas terá lugar o monográfico de Grandes xogos e veladas. E o 26 de marzo no mesmo horario será tempo para os Títeres de Goma Espuma.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
