Dende a Comisión Executiva do PSdG-PSOE de Burela e a título individual Ramiro Fernández Rey en calidade de Secretario Xeral e Pedro Chao Polo en calidade de Secretario de Política Municipal manifestan:
1º- O día 27 de novembro de 2012 en Xunta de Goberno o Sr Fernández Valle, concelleiro de obras do Concello de Burela, propón e vota a obra do POS (Plan de Obras e Servizos) da Deputación Provincial de Lugo a obra “Pavimentación da rúa dos Cotos a Ril” cun orzamento de 22.705,88 euros, obra que se aproba por unanimidade de todos os membros presentes entre os que estaba o Sr Fernández Valle, afectando esta obra a unha licenza de obra do Sr. Fernández Valle.
2º.- Á vistas destes feitos e despois dunha reunión de Executiva, a Executiva transmite ó Grupo Municipal a necesidade de impugnar dito acordo ó entender que o Sr. Fernández Valle non pode propor nin votar dita obra ó ser beneficiario desta obra. Con data 22 de xaneiro de 2012 o Portavoz municipal do PSdG-PSOE presenta o escrito de impugnación no Concello con número de rexistro 489 e acto seguido a Executiva saca unha nota de prensa para poñer en coñecemento dos veciños dita situación pedindo unha explicación e a dimisión do Sr Valle.
3º.- Visto o informe de Secretaría con data 6 de febreiro de 2013 onde se pode constatar que o Sr. Fernández Valle ten interese persoal neste asunto e esta é unha causa de incompatibilidade segundo o artigo 76 da lei 7/1985 e constatando dito informe que o Sr Fernández Valle está incurso en causa de abstención e polo tanto non debería ter participado na aprobación de dita obra, a Comisión Executiva saca unha nota de prensa con fecha 9 de marzo pedindo unha vez máis unha explicación a esta situación.
Explicados estes feitos temos que dicir:
1º.- O pasado día 15 de marzo e segundo aparece en diferentes medios de comunicación unha “suposta” denuncia que o Sr Fernández Valle ou do Equipo de Goberno Municipal, a día de hoxe non sabemos quen nos demandou e si nos demandou ó non ter coñecemento oficial de dita denuncia.
2º.- Seguimos reclamando que o Sr Fernández Valle explique ós veciños o uso indebido do seu cargo, é a vista dos feitos a súa dimisión inmediata.
3º.- Non podemos entender como o Sr Fernández Valle na primeira obra substancial que pode xestionar vaia beneficiar directamente á unha vivenda súa. O que demostra os criterios deste equipo de desgoberno no manexo dos fondos públicos.¿Non haberá en Burela necesidade de inversión dos cartos públicos en ningunha zoa que non afecte directamente a ningún representante do Partido Popular con responsabilidade de goberno?.
4º.- Entendemos que o Partido Popular de Burela non está acostumado a que a oposición fiscalice a labor do goberno, pero teñen que darse conta que iso cambiou, e dende o PSdG-PSOE non imos deixar que nos tenten calar a boca nas denuncias das irregularidades que se cometan dende os representantes do Partido Popular no Concello de Burela.
5º.- Non entendemos que sexa preciso para presentar unha demanda contra dous cidadáns, si é que é verdade que está presentada, que se presente todo os representantes do Partido Popular no Concello de Burela vaian perder a mañá a Viveiro tendo en conta que tres deles cobran cartos públicos das súas dedicacións exclusivas no Concello. Esperamos que se desconte das súas nóminas este tempo que perderon o venres día 15.
6º.- O PSdG-PSOE de Burela vai a esixirlle ós representantes do Partido Popular no Concello de Burela a máxima transparencia e imos a seguir denunciando calquera práctica que non vexamos ética e transparente polo ben dos veciños de Burela. Non imos a consentir cortinas de fume que escondan a nefasta xestión que se está a facer por parte dos membros do Partido Popular no Concello de Burela e esconda en circos e feiras a súa deixadez de funcións, como está sendo no asunto do Hospital da Costa onde unha vez máis os representantes do Partido Popular danlle a espalda a todos os veciños de Burela.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
