A CIG demanda a convocatoria de máis prazas en todos os corpos e especialidades, nomeadamente en Educación Primaria
A Mariña, 8 de abril de 2013.- A CIG Ensino convoca unha asemblea aberta para informar sobre as oposicións docentes convocadas pola Xunta. A reunión terá lugar o próximo mércores, día 10 deste mes, no local da CIG en Burela, a partir das 18:00 horas.
Para a CIG Ensino a oferta de emprego público realizada pola Consellaría de Educación é raquítica e insuficiente e está pensada para seguir reducindo profesorado, co agravante de que esta oferta non pasou polos órganos de negociación nin se lle deu opción aos sindicatos do ensino a manifestar a súa opinión ou poñer propostas sobre a mesa.
Para a CIG é unha tomadura de pelo que a Consellaría soamente convoque 200 prazas de mestres e mestras cando o ensino en Galiza perdeu nestes tres últimos anos uns 3.000 profesores e profesoras. Ademais, desde que goberna Feijoo, a Consellaría incrementou a xornada de traballo, aumentou as rateos de alumnado por aula, disparou o número de agrupamentos, eliminou 12 centros e 132 unidades nos dous últimos anos, amortizáronse moitas prazas xeradas por xubilación, non se cobren as baixas laborais, rebaixáronse os orzamentos para educación progresivamente e recortáronse axudas para manter a calidade do ensino público como as de bibliotecas, becas, mantemento dos centros, comedores, normalización lingüística, etc.
Por todo isto, a CIG reclama un cambio drástico de rumbo nas políticas educativas da Xunta de Galiza e demanda a convocatoria de oposicións en todos os corpos e especialidades, nomeadamente en Educación Primaria, para crear emprego e manter a calidade dun piar básico da nosa sociedade como é a educación.
A oferta das 22 prazas de inspectores pode dar que pensar
Segundo a CIG Ensino a oferta de prazas de inspección é unha oferta desorbitada dentro da proposta presentada, pois representa o 25% das prazas existentes. Se este criterio se aplicase aos corpos docentes estariamos falando dunha convocatoria de máis de 7.000 prazas. A Consellaría recoñeceu que este número de prazas non obedece á aplicación da taxa de reposición senón ao uso da súa potestade á hora de administrar as prazas que se convocan, polo que realmente esta proposta é moi sospeitosa, como xa manifestou a CIG Ensino na Mesa Sectorial, posto que pódese pensar que estas prazas están reservadas a persoas achegadas ao PP.
Por iso a CIG Ensino reclamou que estas 22 prazas se convocasen para outros corpos docentes onde son moito máis necesarias.
Proba de galego eliminatoria
Finalmente a CIG Ensino propuxo, dado que non vai haber oferta noutras comunidades, que a proba de galego sexa eliminatoria para contrarrestar o efecto chamada que se producirá coa convocatoria na nosa comunidade e para dignificar o noso idioma nos concursos e ofertas públicas.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
