• Os populares denuncian a situación na que se atopan dende fai preto dun ano unhas 30 casas de Estelo que non dispoñen de servizo de teléfono móbil dado unha avaría no aparato repetidor.
• O PP alega que o rexedor local ten o deber de interceder ante os entes privados e administracións para darlle unha solución aos veciños, así úrxenlle que realice de maneira inmediata os contactos oportunos.
• Os populares denuncian tamén o mal funcionamento da rede de internet habilitada polo concello no municipio, polo que lle esixen a Orlando González que atenda as peticións destes veciños que aseguran sentirse esquecidos polo equipo de goberno.
Mondoñedo, 9 de abril de 2013- O Partido Popular de Mondoñedo insta ao equipo de goberno local, liderado polo rexedor nacionalista Orlando González, a que se dirixa a compañía telefónica e solicite o arranxo do repetidor que dá servizo a parroquia de Estelo.
Os veciños de Estelo trasladáronlle ao Partido Popular a situación na que se atopan as casas deste núcleo poboacional, que non dispoñen dun óptimo servizo telefónico móbil dende fai preto dun ano dado unha avaría no aparato do repetidor de Telefónica de España (Movistar).
Segundo explica a voceira local, Elena Candia, trátase dunha localización de montaña que ten dificultades para obter cobertura telefónica móbil a través de calquera compañía, polo que o non funcionamento do repetidor que aportaba un mellor servizo, deixa aos veciños con dificultades para utilizar o teléfono móbil
O Partido Popular, como grupo, dirixirase tamén ás compañías para obter unha solución, porén Elena Candia alega que o rexedor local ten o deber de interceder ante os entes privados ou administracións, dependendo do caso, para darlle unha solución aos veciños ante calquera problemática.
Polo que dende o Partido Popular úrxenlle a Orlando González que realice de maneira inmediata os contactos oportunos con Telefónica de España (Movistar) ou con algunha das outras compañías, co obxecto de que doten á parroquia dun servizo nas condicións de calidade que se viñan a prestar no principio.
Mal funcionamento da rede de internet
Os populares denuncian tamén o mal funcionamento da rede de internet habilitada polo concello no municipio. Dende o PP lamentan a pasividade do goberno local ante o pésimo servizo que ofrece esta rede pese ao importante investimento na dotación de internet.
Ante esta situación, os populares esixen a Orlando González que atenda as peticións destes veciños que aseguran sentirse esquecidos polo equipo de goberno.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
