Os integrantes de Xuventudes da provincia de Lugo Miguel Caloto, Jesús Vázquez Tallón e Cristina Losas convertéronse esta fin de semana en membros da nova Executiva Nacional das Xuventudes Socialistas de Galicia, que liderará o ferrolán Aitor Bouza despois de lograr o 96,05% dos votos no XIV Congreso Extraordinario celebrado en Poio (Pontevedra).
Miguel Caloto, de 28 anos, é o novo Secretario de Organización da Executiva Nacional. Conta con experiencia orgánica previa, xa que na actualidade ocupa idéntico cargo na agrupación local de Lugo, ademais de formar parte da Executiva Local do PSdeG-PSOE de Lugo. Especializado na área informática e no sector forestal, será un dos piares da organización dos mozos e mozas socialistas nos próximos años.
Jesús Vázquez, de 24 anos, é novo membro da Executiva Nacional e encargarase asimesmo da Coordinación das XXSS na provincia de Lugo. Tamén ten experiencia orgánica, xa que na actualidade ocupa áreas relacionadas coa cultura, a educación e o deporte. É docente e ten formación en Socioloxía, Ciencias da Actividade Física e do Deporte e Ciencias Políticas.
Cristina Losas será secretaria executiva da Executiva Nacional, ademais de ocupar na actualidade a Secretaría Xeral das Xuventudes Socialistas de Ribadeo e formar parte da Executiva local do PSdeG-PSOE ribadense. Deste xeito, a comarca da Mariña volve ter representación no máximo órgano dos mozos e mozas socialistas.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
