OUROL .- Presentase en Ourol a nova asociación cultural “O Milleiro de Ourol” que “nace con ilusión e a pretensión” de realizar unha programación cultural na que se inclúen, ademais de diversas actividades de divulgación de usos e costumes propios do concello de Ourol, outras de carácter xeral asentadas na tradición cultural e social Galega.
NOTA DE PRENSA
PRESENTACION PUBLICA DA ASOCIACION CULTURAL “ O MILLEIRO DE OUROL”
Ourol, 15 de maio de 2009. A Asociación Cultural “O Milleiro de Ourol” fai a súa presentación pública o sábado 16 de maio as 19.00h. no local da asociación situado na segunda planta do edificio de correos da Rúa do Mesón en Ourol.
A A.C. Milleiro de Ourol conta na actualidade con 20 socios e socias e nace con ilusión e a pretensión de realizar unha programación cultural extensiva á práctica totalidade do ano 2009 na que se inclúen ademais de diversas actividades de divulgación de usos e costumes propios do concello de Ourol, outras de carácter xeral asentadas na tradición cultural e social Galega. Ademais, tendo en conta a sensibilidade dos socios e socias desta entidade pola musica tradicional galega, está na intención de Milleiro de Ourol, a creación dun grupo estábel de musica tradicional para a formación de músicos e recuperación da tradición musical do concello de Ourol.
Programa para o 16 de maio.
1.- Conferencia sobre a figura de Ramón Piñeiro
Ademais da presentación do programa de actividades para o ano 2009, Milleiro de Ourol, dará inicio a este programa cunha conferencia do historiador Manuel Requeixo Arnejo dedicada a figura de Ramón Piñeiro, figura á que está dedicado este ano o Día das Letras Galegas.
2.- Recoñecemento ao músico e escritor de Ourol José Antonio Carballido
No acto estará presente o escritor e musico local, José Antonio Carballido, a quen a asociación quere facer un recoñecemento público polo seu traballo. Este veciño de Ourol ten editado seis libros en diferentes disciplinas literarias, tanto novela como poesía, ademais de varias obras musicais.
3.- Apoio aos actos na defensa da lingua galega.
Milleiro de Ourol mostrara a súa preocupación polo retroceso no uso da lingua galega coa proxección de vídeos aportados pola MESA pola normalización lingüística co que se pretende dar apoio aos actos organizados o 17 de maio en defensa da lingua galega.
4.- Presentación do proxecto para creación dunha escola de gaitas.
De acordo co programa de traballo da asociación para o ano 2009, farase a presentación do proxecto da asociación para crear unha escola de gaitas en Ourol.
Como remate final ofrecerase aos asistentes aos actos uns pinchos e actuación dun grupo de gaitas.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
