O BNG de Burela lamenta a escasa determinación de González Barcia á hora de demandar unha Política Pesqueira Común (PPC) acorde cos intereses do sector pesqueiro. Resulta sorprendente a facilidade do Sr. Barcia para botar balóns fóra cando afirma que a culpa é dos grupos ecoloxistas, evitando mencionar os actores políticos que están a decidir a nova PPC, entre os que se atopa o goberno do Estado. Na XV edición da Feira Náutico-Pesqueira Expomar, celebrada a pasada fin de semana en Burela, quedou patente a preocupación existente no sector con respecto á política pesqueira da UE. Mentres tanto, o Sr. González Barcia, obstínase en procurar culpábeis na casa do veciño no canto de ofrecer solucións reais e concretas ao respecto.
Para o BNG está claro que os responsábeis directos da nova PPC son o goberno do Estado e o goberno da Xunta, a quen parece non preocuparlles en absoluto o futuro dos sectores estratéxicos galegos. O que si debería explicar o Sr. Barcia é a satisfacción amosada polo ministro Arias Cañete tras o acordo acadado na Comisión de Pesca da UE para prohibir de maneira escalonada “os descartes pesqueiros” na reforma da PPC 2014-2020.
En palabras da europarlamentaria do BNG, Ana Miranda, “imponse un calendario de descartes inasumíbel para o sector galego que debe entrar en vigor en menos dun ano para pesqueiras tan importantes como a sardiña, o xurelo, o lirio, ou a xarda. Nos tres primeiros anos de aplicación da PPC os descartes teñen que ser cero ou descontaranse da cota de pesca, sen que se concrete ningunha medida efectiva de compensación para a flota”.
Por outra banda, a nova PPC 2014-2020 fixa un sistema de cotas entre Estados anterior ao ingreso de Galiza na UE en función do principio de estabilidade relativa, sen ter en conta a dimensión real da flota pesqueira, que no caso de Galiza é a máis importante de Europa.
Para o BNG de Burela, a nova PPC terá unhas consecuencias económicas e de emprego nefastas para a nosa flota, pois a normativa marco é maximalista en termos medioambientais e minimalista en termos sociais. Non se entende que a flota de Burela teña prohibida a pesca de xarda cando esta é unha das especies máis abundantes nas nosas costas. Estamos ante unha situación paradoxal que, con toda seguridade, se repetirá con outras especies como o xurelo ou a pescada nos vindeiros meses. O caso da pesca é o mellor exemplo da incompatibilidade entre a política comunitaria e a capacidade produtiva de Galiza. A flota de altura, arrastre e baixura sofre constantes ataques de Europa avalados polo Partido Popular, polos gobernos galego e do Estado que actúan como cómplices do desmantelamento do sector pesqueiro, piar da nosa economía”.
Neste sentido, o BNG de Burela apresentará unha moción de urxencia no próximo pleno municipal para instar ao goberno da Xunta e do Estado a que tomen medidas urxentes no marco na PPC que eviten o desmantelamento do sector pesqueiro, e que terán graves consecuencias para o sector e para Burela.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
Os senadores do PP por Lugo, José Manuel Barreiro, José Manuel Balseiro e Juan Serrano, xunto co portavoz de Interior do Grupo Parlamentario Popular no Senado, Luis Santamaría, mantiveron unha reunión no Senado con representantes da Asociación Española de Gardias Civís na provincia de Lugo, que lles trasladaron as principais reivindicacións do colectivo e analizaron os problemas e necesidades que afectan á Garda Civil na provincia.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
